Papyri.info — DDbDP (Duke Databank of Documentary Papyri) — text · other
p.berl.frisk.6
Inscriptions (1)
Inscription #1
· Greek
· Greek
Transcription
περὶ φοινικοδοκίων. ἐν ὀνόματι τοῦ θεοῦ. Κόρρα υἱὸς Σζερὶχ σύμβουλος Βασιλείῳ διοικητῇ Ἀφροδιτώ. εὐχαριστοῦμεν τῷ θεῷ καὶ μετὰ ταῦτα· ἐγνώσθη ἡμῖν ὡς πολλοί τινες ἀγοράζουσιν ἐν τῇ διοικήσει σου φοινικοδόκια εἰς ὀλίγην τιμὴν ἄνευ ἐπιτροπῆς καὶ ἡμετέρων γραμμάτων. καὶ ἐάν ἐστι τοῦτο ἀληθές, κατεφρόνησες τῆς ψυχῆς σου καὶ στράταν δέδωκες κατά σου. δεχόμενος οὖν τὰ παρόντα γράμματα μὴ συγχωρήσῃς παντοῖον τινὰ ποιῆσαι ἀγορασίαν φοινικίων ἐν τῇ διοικήσει σου εἰ μὴ διʼ ἡμετέρων γραμμάτων, καὶ ἡνίκα γράψωμεν πρός σε περὶ ἀγορασίας οἱουδήποτε ἀνθρώπου ἐκ τῶν τοιούτων φοινικοδοκίων, μὴ συγχωρήσῃς δοθῆναι εἰ μὴ κατὰ πεντήκοντα πήχεις τοῦ νομίσματος, μὴ καταπιστεύων τινὶ τὸ κεφάλαιον τοῦτο, ἀλλὰ σὺ διὰ σεαυτοῦ μεσάζων μετʼ ἀκριβείας πάσης, ὅπως ὡς εἴρηται μὴ δοθῇ τινί τι ἐκ περιττοῦ τῆς διατιμήσεως ἧς ὡρίσαμενὁρίσαμεν εἰς τὰ τοιαῦτα φοινικοδόκια. μὴ εὕρωμενεὕρομεν οὖν ὅτι οἱ ἐπικείμενοι τοῦ τελωνίου Βαβυλῶνος ηὗράν σε ἀπολύσαντα παντοῖον φοινικοδόκιν ἀπὸ τῆς διοικήσεώς σου παντοίῳ προσώπῳ εἰ μὴ διʼ ἡμετέρων γραμμάτων, ὡς πολλάκις εἴρηται, μήτε μὴν δοθῆναί τι ἄνωθεν τῆς διατιμήσεως ἧς ἐξεθέμεθα ἐν γράμμασι καταγνωσθῇς. παραλείψας τι τῆς ἡμετέρας κελεύσεως ἐν τούτοις μέλλεις ἀπολαβεῖν ἐν σώματι καὶ βαλαντίῳ. ἐγράφη μηνὸς Μεχεὶρ ἰνδικτίονος η. Κόρρα υἱὸς Σζερὶχ σύμβουλος Βασιλείῳ διοικητῇ Κώμης Ἀφροδιτώ. μηνὸς ἰνδικτίονος η. ἠνήχθη διὰ τοῦ περὶ μὴ πωλῆσαι φοινικοδόκια.Cross-references (3)
- TM-Text 17682 primary
- DDbDP-Text p.berl.frisk;;6 tier-1
- HGV-Text 17682 tier-1
About this record's data
- From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
- AI-inferred — the image-analysis panel (deities, names, signs) is machine-generated and may be wrong.
- Approximate location — most map points are plotted at the site centroid, not the exact findspot.
- Inferred links — cross-references marked with a match method other than explicit-source-field were matched by us, not stated by the source.