Papyri.info — DDbDP (Duke Databank of Documentary Papyri) — text · other
p.kron.42dupl
Inscriptions (1)
Inscription #1
· Greek
· Greek
Transcription
Διονυσίῳ βασιλικῷ γραμματεῖ Ἀρσινοίτου Πολέμωνος μερίδος διαδεχομένῳ καὶ τὰ κατὰ τὴν στρατηγίαν, παρὰ Ἁρπαήσεως τοῦ Κρονίωνος ἀπὸ κώμης Τε πτύνεως τῆς αὐτῆς μερίδος. ἐμισθωσάμην ἔτι πάλαι παρὰ Ἀσκληπιάδου τοῦ Ἀσκληπιάδου Ἀντινο έως περὶ κώμην Κερκῆσιν τῆς αὐτῆς μερίδος σιτικὰς ἀρούρας εἴκοσι πέντε ἥμισυ , ἐν αἷς καὶ κταμίων ἄρουραι δέκα ἥμισυ , ὧν τὰ μέχρι τοῦ θ ἔτους καὶ αὐτοῦ θ ἔτους ἐκφόρια πλήρη ἀνέδωκα αὐτῷ Ἀσκληπιάδῃ· τῷ δὲ διεληλυθότι ι ἔτει, ποιησαμένου μου τὰ ἔργα καὶ ἐπὶ πλήρους σπείραντος τὰς ἀρούρας πυρῷ, ἐκρήγματος γενομένου ἀπὸ τοῦ περὶ τὴν Κερκῆσιν δρυμοῦ, καθʼ ὕδατος ἐγένοντο ἄρουραι σιτικαὶ ἅμα δὲ ταῖς ἄλλαις ἀρούραις καὶ πᾶσι φανερὸν ἐγένε το τοῦτο γεγενέσθαι Ἀσκληπιάδου ἐν Ἀντινόου διατρίβοντος, αὐτὸς τελέσας τὰ δημόσια καὶ μετρήσας τὴν ὑπὲρ τῶν ἀρουρῶν ἀρταβίαν καὶ ναύβιον· τῷ δὲ ἐνεστῶτι ια ἔτει, ὀψίμως τοῦ ὕδατος τοῦ δρυμοῦ ἀποχυθέντος, ἐπετέλεσα τὰ ἔρ γα καθήκοντα ἐν ταῖς ἀρούραις δέκα δύο ἥμισυ ἐσπαρμέναις, καὶ δὲ ἐν ταῖς ἀρούραις πᾶσι τῶν κταμίων, ἐν τῷ ια ἔτει, ἐπ διὰ τὸ ὀψίμως τὸ ὕδωρ ἀποκεχῦσθαι, κακο φυὴ ἐγένοντο τὰ σπαρέντα, διὸ ἐπιδίδωμι τὸ ὑπόμνημα καὶ ἀξιῶ τὸ ἴσον διʼ ὑπηρέτου μεταδοθῆναι αὐτῷ Ἀσκληπιάδῃ ἵνʼ εἰδῇ ἀπολεγόμενόν με τῶν ἐν ταῖς ἀρούραις ἐσπαρμένων καὶ ὧν ἐπετέλεσα αὐτῶν ἔργων καὶ μηδὲ περὶ αὐτῶν καταλιπομένον λόγου μηδὲ περὶ τῶν τοῦ ἐνεστῶτος ἔτους ἐκφορίων ἀλλὰ μηδὲ περὶ ἄλλου μηδενὸς ἁπλῶς, αὐτὸν Ἀσκληπιάδην ἀναλαμβανόμενον τῶν ἀρου ρῶν ἀπὸ τοῦ ἐνεστῶτοςἐνεστο͂τος ια ἔτους ἀναμετροῦντα τὰ ὑπὲρ αὐτῶν δημόσια μένοντα δέ μοι πρὸς ἃς εἰς τὸν λόγον πύρινον ἐμέτρη σα πυροῦ ἀρτάβας ἐν τρισὶ προθεσμίαις· ἀρκοῦμαι τῇδε τῇ διαστολῇ. Ἁρπαῆσις ὡς ἐτῶν νβ οὐλὴ ἀντίχειρι ἀριστερῷ, Ποσιδ νομογράφος εἰκόνικα. ἔτους ια Ἀντωνείνου Καίσαρος τοῦ κυρίου, Παχὼν η.Cross-references (3)
- TM-Text 11564 primary
- DDbDP-Text p.kron;;42dupl tier-1
- HGV-Text 11564 tier-1
About this record's data
- From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
- AI-inferred — the image-analysis panel (deities, names, signs) is machine-generated and may be wrong.
- Approximate location — most map points are plotted at the site centroid, not the exact findspot.
- Inferred links — cross-references marked with a match method other than explicit-source-field were matched by us, not stated by the source.