Papyri.info — DDbDP (Duke Databank of Documentary Papyri) — text · other
p.oxy.65.4489
Inscriptions (1)
Inscription #1
· Greek
· Greek
Transcription
ἐπὶ ὑπάτων τῶν κυρίων ἡμῶν Αὐτοκράτορος Μαξιμιανοῦ Σεβαστοῦ τὸ ε καὶ Μαξιμιανοῦ τοῦ ἐπιφανεστάτου Καίσαρος τὸ β. Αὐρηλίῳ Ὡρίωνι Θέωνος συστάτῃ τῆς λαμπρᾶς καὶ λαμπροτάτης Ὀξυ ρυγχιτῶν πόλεως τοῦ ἐνεστῶτος ιγ ἔτους καὶ ιβ ἔτους καὶ ε ἔτους παρὰ Αὐρηλίας Ἑλένης Ὡρίωνος μητρὸς Θερμουθίου ἀπὸ τῆς αὐτῆς πόλεως χωρὶς κυρίου χρηματιζούσης τέκνων δικαίῳ. βού λομαι πρώτως ἀναγραφῆναι ἐπὶ σταθμῷ ἀμφόδου Ποιμενι κῆς τὸν γεγονότα μοι ἐκ τοῦ γενομένου καὶ μετηλλαχότος μου ἀνδρὸς Αὐρηλίου Σιλβανοῦ Βησάμμωνος μητρὸς Ἴσιτος ἀπὸ τῆς αὐτῆς πόλεως υἱὸν Αὐρήλιον Ἄμμωνα δωδεκάδραχμον ἀπὸ γυμνασίου ὄντα πρὸς τὸ ἐνεστὸς ιγ ἔτος καὶ ιβ ἔτος καὶ ε ἔτος ἐτῶν ιγ· διὸ ἐπιδίδωμι τὸ ὑπόμνημα ἀξιοῦσα ταγῆναι αὐτὸν διὰ τῆς καταχωριζομένης ὑπὸ σοῦ γραφῆς ἀφηλίκων ἐν τῇ τῶν ὁμηλίκων τάξει ὡς καθήκει καὶ ὀμνύω τὸν ἔθιμον Ῥωμαίοις ὅρκον μὴ ἐψεῦσθαι. ἔτους ιγ καὶ ἔτους ιβ τῶν κυρίων ἡμῶν Αὐτοκρατόρων Διοκλητιανοῦ καὶ Μαξιμιανοῦ Σεβαστῶν καὶ ἔτους ε τῶν κυρίων ἡμῶν Κωνσταντίου καὶ Μαξιμιανοῦ τῶν ἐπιφανεστάτων Καισάρων, Μεσορὴ ιβ. Αὐρηλία Ἑλένη ἐπιδέδωκα καὶ ὤμοσα τὸν ὅρκον ὡς πρόκειται. Αὐρήλιος ἔγραψα ὑπὲρ αὐτῆς μὴ εἰδυίας γράμματα.Cross-references (3)
- TM-Text 78591 primary
- DDbDP-Text p.oxy;65;4489 tier-1
- HGV-Text 78591 tier-1
About this record's data
- From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
- AI-inferred — the image-analysis panel (deities, names, signs) is machine-generated and may be wrong.
- Approximate location — most map points are plotted at the site centroid, not the exact findspot.
- Inferred links — cross-references marked with a match method other than explicit-source-field were matched by us, not stated by the source.