no image
DDbDP-text
Papyri.info — DDbDP (Duke Databank of Documentary Papyri) — text · papyrus
jjp.49.13
Inscriptions (1)
Inscription #1
· Greek
· Greek
Transcription
[column I]
Ἀνδρόμαχος Ἀρχήβει χαίρειν. τοῦ πρὸς Λεωνίδην τὸν σιτολόγον
χρηματισμοῦ ἀντίγραφον ὑπόκειται.
ἔρρωσο ἔτους δ Τῦβι κζ.
Λεωνίδηι. τοῦ παρὰ Πτολεμαίου τοῦ διαδεχομένου
τὰ κατὰ τὴν διοίκησιν χρηματισμοῦ ἀντίγραφον ὑπόκειται.
κατακολουθήσας οὖν ἐμβαλοῦ συνεπιστέλλοντος Ἀρχήβιος
τοῦ βασιλικοῦ γραμματέως εἰς τὴν διασαφουμένην ἀναπεπέμφθαι ἐκ τῆς πόλεως ὑπὸ Διονυσίου καὶ Ἡρωίδου τῶν
πρὸς τῆι ναυλώσει καὶ διατετάχθαι εἰς τὸν Μεμφίτην κατʼ ἀπόστολον ἐπʼ ἀνάληψιν πυροῦ ἀπὸ τῶν γενημάτων
τοῦ γ ἔτους σκάφην Ἀγαθοκλείους ἀγωγῆς Βφ, πυροῦ καθαροῦ ἀδόλου
κεκοσκινευμένου μέτρωι δοχικῶι τῶι πρὸς τὸ χαλκοῦν
καὶ σκυτάληι δικαίαι πρότερον ἐπιβιβασθέντων φυλακιτῶν κεκληρουχημένων τῶν μάλιστα πίστιν ἐχόντων, οἷς καὶ τὸ δεῖγμα
κατεσφραγισμένον ἐπιτεθήσεται ἐν γηίνοις ὠμοῖς
ἀγγείοις καὶ παρακομιοῦσι παρὰ τοῦ πρὸς τῆι σιτηρᾶι τῆς ἐξαιρέσεως
τοὺς καθήκοντας χρηματισμοὺς ληφθείσης καὶ τοῦ ναυκλήρου
χειρογραφίας ὅρκου βασιλικοῦ περὶ τοῦ ἀποκαταστήσειν εἰς τὴν
πόλιν τὸν γόμον ἀκακοποίητον οὐ στραγευσάμενον ἐν τῶι
πόρωι, μετὰ τῆς Παγκράτου καὶ Δημητρίου τῶν περὶ τὴν
διοίκησιν μαχαιροφόρων καὶ ἐπίπλων γνώμης ἀρτάβας πυροῦ Βφ.
γίνονται πυροῦ ἀρτάβαι Βφ καὶ σύμβολα καὶ ἀντισύμβολα ποίησαι πρὸς αὐτὸν ὡς καθήκει.
[column II]
Πτολεμαῖος Ἀνδρομάχωι στρατηγῶι
χαίρειν καὶ ἐρρῶσθαι. εἰς τὴν ἐκ τῆς
πόλεως ἀναπεπεμμένην ὑπὸ Διονυσίου
καὶ Ἡρώιδου τῶν πρὸς τῆι ναυλώσει καὶ
εἰς τὸν Μεμφίτην διατεταγμένην ἐπʼ ἀνάληψιν πυροῦ σκάφην Ἀγαθοκλέους ἐμβαλοῦ
ἀπὸ τῶν γενημάτων τοῦ γ ἔτους τὰς τῆς ἀγωγῆς
πυροῦ καθαροῦ ἀδόλου κεκοσκινευμένου
μέτρωι τῶι πρὸς τὸ χαλκοῦν ἀρτάβας Βφ γίνονται ἀρτάβαι Βφ.
ἵνα δὲ συντόμως ἐξαρτισθῆι καὶ φυλακῖται
ἔχοντες κατεσφραγισμένα τὰ δείγματα
ἐν γηίνοις ἀγγείοις ἐπιβιβασθῶσιν πλεύσοντες εἰς τὴν πόλιν καὶ παρὰ τῶν
φυλάκων ἀνακομιοῦντας τοὺς ἀνταποστόλους, προνόησον ὡς μη παρέργως
καὶ σύμβολον καὶ ἀντισύμβολον γενέσθωι
πρὸς τὸν ναύκληρον, ὡς καθήκει. σεαυτοῦ τε
ἐπιμελοῦ, ἵνʼ ὑγιαίνῃς.
ἔρρωσο ἔτους δ Τῦβι […]Similar inscriptions · by content embedding
About this record's data
- From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
- AI-inferred — the image-analysis panel (deities, names, signs) is machine-generated and may be wrong.
- Approximate location — most map points are plotted at the site centroid, not the exact findspot.
- Inferred links — cross-references marked with a match method other than explicit-source-field were matched by us, not stated by the source.