Papyri.info — DDbDP (Duke Databank of Documentary Papyri) — text · other
p.lond.5.1707
Inscriptions (1)
Inscription #1
· Greek
· Greek
Transcription
βασιλείας τοῦ θειοτάτου ἡμῶν δεσπότου Φλαυίου Ἰουστίνου τοῦ αἰωνίου Αὐγούστου Αὐτοκράτορος ἔτους πρώτου Φαῶφι ὀγδόῃ ἰνδικτίονος πεντεκαιδεκάτης ἐν Ἀντινοουπόλει τῇ λαμπροτάτῃ ταύτην τὴν τῶν κομπρομίσσων ἀσφάλειαν τίθενται καὶ ποιοῦνται πρὸς ἀλλήλους ἑκόντες καὶ πεπεισμένοι ἄνευ παντὸς δόλου καὶ φόβου καὶ βίας καὶ ἀπάτης καὶ ἀνάγκης καὶ περιγραφῆς πάσης ἐκ μὲν τοῦ ἑνὸς μέρους Αὐρήλιοι Θεόδωρος υἱὸς Ψοΐου προνοητὴς καὶ ὁ τούτου ἀδελφιδὸς Ψοῗος υἱὸς Κοσμᾶ νοτάριος, ἐκ δὲ θατέρου Αὐρήλιος Κόνων υἱὸς Ἐπανακίου πραγματευτὴς ποιούμενος τοὺς λόγους καὶ κυρίως πράττων ὑπὲρ Ἀθανασίας τῆς εὐγενεστάτης αὐτοῦ γαμετῆς οἱ τρεῖς ὁρμώμενοι μὲν ἀπὸ τῆς Λυκοπολιτῶν τὰ νῦν δὲ διάγοντες ἐπὶ ταύτης τῆς Ἀντινοέων καὶ ὁμολογοῦσιν ἀλλήλοις περὶ τῶν ὑποτεταγμένων. ἀμφισβητήσεως κινηθείσης μεταξὺ τῶν μερῶν περὶ φανερῶν κεφαλαίων ἀνηκόντων αὐτοῖς ἔδοξεν αὐτοῖς διαίτῃ χρήσασθαι καὶ εἵλαντο κατὰ κοινὴν συναίνεσιν Κωνσταντῖνον καὶ Ἰωάννην τοὺς σοφωτάτους σχολαστικοὺς καὶ συνηγόρους φόρου Θηβαΐδος ἄνδρας τοῦ δικαίου ἀντιποιουμένους. κατὰ τοῦτο τοίνυν ὁμολογοῦσιν οἱ ἀφʼ ἑκατέρου μέρους ὀμνύντες τὴν ἁγίαν καὶ ὁμοούσιον Τριάδα καὶ τὴν νίκην καὶ διαμονὴν τοῦ καλλινίκου ἡμῶν δεσπότου Φλαυίου Ἰουστίνου τοῦ αἰωνίου Αὐγούστου Αὐτοκράτορος ἀπαντᾶν πρὸς τοὺς προειρημένους σοφωτάτους ἄνδρας ἐντὸς ἡμερῶν τεσσάρων ψηφιζομένων ἀπὸ τῆς σήμερον καὶ προγεγραμμένης ἡμέρας ἥτις ἐστὶν Φαῶφι ὀγδόη τῆς παρούσης πεντεκαιδεκάτης ἰνδικτίονος καὶ παραθέσθαι αὐτοῖς τὰ προσόντα αὐτοῖς τὰ προσόντα αὐτοῖς δικαιώματα καὶ στοιχεῖν καὶ πείθεσθαι τοῖς παρʼ αὐτῶν ὁρισθησόμενοις ἤτοι κριθησόμενοις εση αὐτῶν εκε ἡμετερ την βούλησιν ΦCross-references (3)
- TM-Text 19724 primary
- DDbDP-Text p.lond;5;1707 tier-1
- HGV-Text 19724 tier-1
About this record's data
- From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
- AI-inferred — the image-analysis panel (deities, names, signs) is machine-generated and may be wrong.
- Approximate location — most map points are plotted at the site centroid, not the exact findspot.
- Inferred links — cross-references marked with a match method other than explicit-source-field were matched by us, not stated by the source.