Home › Browse › DDbDP-text › Object 142931
Papyri.info — DDbDP (Duke Databank of Documentary Papyri) — text · papyrus

p.oxy.4.725 23. Sept. 183Oxyrhynchos

Apprenticeship to a Weaver via HGV-meta

Source of record: Papyri.info — DDbDP (Duke Databank of Documentary Papyri) — text — catalogued by the holding institution. View the original record →

The same text in other collections

Linked by Trismegistos ID TM 20425. Each record below describes this same artifact or text from a different angle.

Inscriptions (1)

Inscription #1 · Greek · Greek

Transcription

ὁμολογοῦσιν ἀλλήλοις Ἰσχυρίων Ἡραδίωνος μητρὸς[…]ἀπʼ Ὀξυρύγχων πόλεως καὶ Ἡρακλᾶς Σαραπίωνος τοῦ καὶ Λέοντος Ἡρακλείδου μητρὸς[…]ἀπὸ τῆς αὐτῆς πόλεως γέρδιος ὁ μὲν Ἰσχυρίων ἐγδεδόσθαι τῷ Ἡρακλᾷ τὸν τοῦ μετηλλαχότος αὐτοῦ ἀδελφοῦ υἱὸν Θῶνιν ἀφήλικα πρὸς μάθησιν τῆς δηλουμένης τέχνης ἀπὸ νεομηνίας τοῦ ἑξῆς μηνὸς Φαῶφι ἐπὶ χρόνον ἔτη πέντε , καὶ παρέξει αὐτὸν προσεδρεύοντα τῷ διδασκάλῳ ἐπὶ τὸν δηλούμενον χρόνον καθʼ ἑκάστην ἡμέραν ἀπὸ ἀνατολῆς ἡλίου μέχρι δύσεως, ποιοῦντα πάντα τὰἐπιτραπησόμενα αὐτῷ ὑπὸ τοῦ αὐτοῦ διδασκάλου ὡς ἐπὶ τῶν ὁμοίων μαθητῶν, τρεφόμενον ὑπὸ τοῦ Ἰσχυρίωνος. καὶ τὰ μὲν πρῶτα ἔτη δύο καὶ μῆνας ἑπτὰ τοῦ τρίτου ἐνιαυτοῦ οὐδὲν δώσει ὑπὲρ μισθοῦ τοῦ παιδὸς ὁ Ἡρακλᾶς, τοῖς δὲ λοιποῖς μησὶ πέντε τοῦ αὐτοῦ τρίτου ἐνιαυτοῦ χορηγήσει ὁ Ἡρακλᾶς ὑπὲρ μισθῶν τοῦ αὐτοῦ μαθητοῦ κατὰ μῆνα δραχμὰς δεκαδύο καὶ τῷ τετάρτῳ ἐνιαυτῷ ὁμοίως κατὰ μῆνα ὑπὲρ μισθῶν δραχμὰς δεκαὲξ καὶ τῷ πέμπτῳ ἐνιαυτῷ ὁμοίως κατὰ μῆνα δραχμὰς εἴκοσι τέσσαρας , καὶ κατασκευάσει ὁ Ἡρακλᾶς τῷ αὐτῷ μαθητῇ τῷ μὲν ἐνεστῶτι τετάρτῳ καὶ εἰκοστῷ ἔτει χιτῶνα ἄξιον δραχμῶν δεκαέξ , τῷ δὲ εἰσιόντι κε ἔτει ἕτερον χιτῶνα ἄξιον δραχμῶν εἴκοσι , καὶ τῷ κϛ ἔτει ὁμοίως ἄλλον χιτῶνα ἄξιον δραχμῶν εἴκοσι τεσσάρων , καὶ τῷ κζ ἔτει ἄλλον χιτῶνα ἄξιον δραχμῶν εἴκοσι ὀκτώ , καὶ τῷ κη ἔτει ὁμοίως ἄλλον χιτῶνα ἄξιον δραχμῶν τριάκοντα δύο . ἀργήσει δὲ ὁ παῖς εἰς λόγον ἑορτῶν κατʼ ἔτος ἡμέρας εἴκοσι , οὐδενὸς ἐκκρουομένου τῶν μισθῶν τούτων ἀφʼ οὗ χρόνου ἐὰν χορηγηθῇ μισθός, ἐὰν δὲ πλείονας τούτων ἀργήσῃ ἢ ἀσθενήσῃ ἢ ἀτακτήσῃ ἢ διʼ ἄλλην τινὰ αἰτίαν ἡμέρας ἐπὶ τὰς ἴσας ἐπάναγκες παρέξει αὐτὸν ὁ Ἰσχυρίων τῷ διδασκάλῳ ἡμέρας παραμένοντα καὶ ποιοῦντα πάντα καθὼς πρόκειται χωρὶς μισθοῦ, τρεφόμενον ὑπὸ τοῦ αὐτοῦ Ἰσχυρίωνος, διὰ τὸ ἐπὶ τούτοις ἑστάσθαι. ὁ δὲ Ἡρακλᾶς εὐδοκῶν τούτοις πᾶσι καὶ ἐκδιδάξειν τὸν μαθητὴν τὴν δηλουμένην τέχνην ἐν τῷ πενταετεῖ χρόνῳ καθὼς καὶ αὐτὸς ἐπίσταται καὶ χορηγήσειν τοὺς μηνιαίους μισθοὺς καθὼς πρόκειται ἀπὸ τοῦ ὀγδόου μηνὸς τοῦ τρίτου ἐνιαυτοῦ. καὶ μὴ ἐξεῖναι μηδενὶ αὐτῶν παραβαίνειν τι τῶν προκειμένων ἢ ὁ παραβὰς ἐκτίσει τῷ ἐνμένοντι ἐπιτίμου δραχμὰς ἑκατὸν καὶ εἰς τὸ δημόσιον τὰς ἴσας. κύριον τὸ ὁμολόγημα. ἔτους κδ Αὐτοκράτορος Καίσαρος Μάρκου Αὐρηλίου Κομμόδου Ἀντωνίνου Σεβαστοῦ Ἀρμενιακοῦ Μηδικοῦ Παρθικοῦ Σαρματικοῦ Γερμανικοῦ Μεγίστου Θὼθ κε. Ἡρακλᾶς Σαραπίωνος τοῦ καὶ Λέοντος τέθειμαι τὸ ὁμολόγημα καὶ εὐδοκῶ πᾶσι τοῖς προκειμένοις. Θῶνις ὁ καὶ Μῶρος ἀπελεύθερος Ἁρθώνιος ἔγραψα ὑπὲρ αὐτοῦ μὴ εἰδότος γράμματα.

Connections

Found at Oxyrhynchus

Cross-references (3)

Similar inscriptions · by content embedding

About this record's data
  • From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
  • AI-inferred — the image-analysis panel (deities, names, signs) is machine-generated and may be wrong.
  • Approximate location — most map points are plotted at the site centroid, not the exact findspot.
  • Inferred links — cross-references marked with a match method other than explicit-source-field were matched by us, not stated by the source.
  • Inherited across the Trismegistos spine — a Trismegistos ID names one ancient text, and papyrology splits that text's description across databases: the edition in one, the date and provenance in another, the physical papyrus in a third. Fields tagged via … on this page were read from a sibling record under the same TM number, not asserted by Papyri.info — DDbDP (Duke Databank of Documentary Papyri) — text.