Papyri.info — DDbDP (Duke Databank of Documentary Papyri) — text · other
c.pap.gr.1.10
Inscriptions (1)
Inscription #1
· Greek
· Greek
Transcription
κόλλημα Πρωτάρχωι παρὰ Θερμουθαρίου τῆς Εἰρηναίου ἀστῆς μετὰ κυρίου Ἑρμίου τοῦ Ἀθηνοδώρου καὶ παρὰ Γαίου Ἰγνατίου Μαξίμου. συνχωρεῖ ὁ Γάιος ἸγνάτιοςἸγναιος Μάξιμος παρασχέσθαι τὴν δούλην αὑτοῦ Χρωτάριον τροφεύουσαν καὶ θηλάζουσαν τῶι ἰδίῳ αὐτῆς γάλακτι καθαρῷ καὶ ἀφθόρωι ἔξω παρʼ ἑαυτῶιἑατῶι Γαίωι κατὰ πόλιν ἐπὶ χρόνον μῆνας δέκα ἀπὸ Ἁθὺρ τοῦ ἐνεστῶτος ἕκτου καὶ εἰκοστοῦ ἔτους Καίσαρος ὃ ἐνκεχείρικεν αὐτῇ Θερμουθάριον τῆς ἀπελευθέρας αὐτῆς Καλλιτύχης παιδίον θῆλυ ᾧ ὄνομα Πωλλαροῦς διὰ τὸ τῆς Καλλιτύχης ἐν ἀσθενείᾳ διατεθείσης διεφθάρθαι τὸ ταύτης γάλα, μισθοῦ τοῦ ἑσταμένου τοῦ τε γάλακτος καὶ τῆς τροφείαςτροφήας σὺν ἐλαίωι κατὰ μῆνα δραχμῶν δέκα , ἔσχηκεν δέ ὁ Γάιος παρὰ τῆς Θερμουθαρίου διὰ χειρὸς ἐξ οἴκου τὰς συναγομένας τῶν ἀπὸ τοῦ Ἁθὺρ ἕως Τῦβι μηνῶν τριῶν τῶν τροφείων δραχμὰς τριάκοντα · εὐτακτούμενον τὸν Γάιον τοῖς ἀπὸ Μεχεὶρ μηνὸς τροφείοις παρέχεσθαι τὴν δούλην ἀπὸ τοῦ νῦν ποιουμένην τήν τε ἑαυτῆς καὶ τοῦ παιδίου ἐπιμέλειαν, μὴ φθείρουσανφθίρουσαν τὸ γάλα μηδʼ ἀνδροκοιτοῦσαν μηδʼ ἐπικυοῦσαν μηδʼ ἄλλο παιδίον παραθηλάζουσαν, ἅ τε ἐὰν λάβῃ ἢ πιστευθῇπιστθῇ σῶα συντηρήσειν καὶ ἀποδώσειν ὅταν ἀπαιτῆται ἢ ἐκτίνεινἐκτίνιν τὴν ἑκάστου ἀξίαν πλὴν συνφανοῦς ἀπωλείας ἧς καὶ φανερᾶς γενηθείσηςγινηθίσης ἀπολελύσθω, καὶ μὴ ἐγλείπειν τὴν τροφείαν ἐντὸς τοῦ χρόνου. ἐὰν δέ τι παραβαίνῃ ἐκτίνεινἐκτίνιν ἑαυτὸν ἅτε εἴληφε τροφεῖα καὶ ἃ ἐὰν λάβῃ σὺν ἡμιολίᾳ καὶ τὰ βλάβη καὶ δαπανήματα καὶ ἄλλας ἀργυρίου δραχμὰς διακοσίας , τῆς πράξεως γεινομένης καθάπερ ἐκἐγ δίκης. καὶ τὴν δὲ Θερμουθάριον ἐπιτελούσης τῆς Χρωταρίου ἕκαστα χορηγεῖν ἀπὸ τοῦ νῦν τὰ κατὰ μῆνα τροφεῖα καὶ μὴ ἀποσπάσειν τὸ παιδίον ἐντὸς τοῦ χρόνου ἢ καὶ αὐτὴν ἔνοχον εἶναιἶναι τῷ ἴσῳ ἐπιτίμωιπροστίμωι. παραβαλεῖ δὲ ἡ Χρωτάριον σὺν τῷ παιδίῳ πρὸς τὴν Θερμουθάριον τοῦ μηνὸς ς. ἀξιοῦμεν. ἔτους κϛ Καίσαρος Ἁθὺρ ηCross-references (3)
- TM-Text 18550 primary
- DDbDP-Text c.pap.gr;1;10 tier-1
- HGV-Text 18550 tier-1
About this record's data
- From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
- AI-inferred — the image-analysis panel (deities, names, signs) is machine-generated and may be wrong.
- Approximate location — most map points are plotted at the site centroid, not the exact findspot.
- Inferred links — cross-references marked with a match method other than explicit-source-field were matched by us, not stated by the source.