Home › Browse › DDbDP-text › Object 128211
Papyri.info — DDbDP (Duke Databank of Documentary Papyri) — text · papyrus

p.cair.masp.2.67153dupl 7. Mai 568Antinoopolis

Contrat de divorce via HGV-meta

Source of record: Papyri.info — DDbDP (Duke Databank of Documentary Papyri) — text — catalogued by the holding institution. View the original record →

The same text in other collections

Linked by Trismegistos ID TM 18907. Each record below describes this same artifact or text from a different angle.

Inscriptions (1)

Inscription #1 · Greek · Greek

Transcription

† βασιλείας καὶ ὑπατείας τοῦ θειοτάτου ἡμῶνδεσπότου Φλαυΐου Ἰουστίνου τοῦ αἰωνίου αὐγούστου Αὐτοκράτορος ἔτους τρίτου, Παχὼν δωδεκάτῃ, ἀρχῆς δευτέραςἰνδικτίονος. ἐν Ἀντινόου πόλει τῇ λαμπροτάτῃ. Αὐρήλιος Μηνᾶς υἱὸς Ὡρουωγχίου, ἐκ μητρὸς Τσίας κραμπιτᾶς, ἀπὸ τῆς Ἀντινοέων πόλεως, Αὐρηλίᾳ Μαρίᾳ θυγατρὶ Βίκτορος, τῇ συναφθείσῃ μοι ὡς εἴθε μήποτε γαμετῇ, ἀπὸ τῆς αὐτῆς πόλεως. τόδε τὸ ῥεπούδιον τῆς ἀποζυγῆς τίθεμαί σοι καὶ διαπέμπομαι ἐπὶ τοῖς ἐφεξῆς λόγοις· πρώην συνήφθην σοι πρὸς γάμου καὶ βίου κοινωνίαν ἐπὶ χρήσταις ἐλπίσιν καὶ τέκνων σπορᾷ, οἰόμενος ἐκτελέσαι μετὰ σοῦ εἰρηνικὸν σεμνὸν συνοικέσιον, ἔκ τε τῶν ἐναντίων οὐκ οἶδα πόθεν, ἔκ τινος φθόνου πονηροῦ δαίμονος, ἀηδία τις σκληρωτάτη κατὰ μέσον ἡμῶν ἀμφοτέρων ἐξεγένετο καὶ ἐπεμβρίσατο ἡμᾶς ἀποχωρισθῆναι ἀπʼ ἀλλήλων τοῦ κοινοῦ ἡμῶν συνοικεσίου, καὶ μηκέτι ἡμᾶς συνδιαιτᾶσθαι ἀλλήλοις ἐπὶ τὸν διηνεκῆ χρόνον. κατὰ τοῦτο ὁμολογῶ ἐγὼ ὁ προγεγραμμένος Μηνᾶς, διὰ ταύτης μου τῆς ἐγγράφου διαλύσεως ἤτοι διαίσεως, μηδένα τοῦ λοιποῦ λόγον ἔχειν μήτε ἕξειν πρὸς σὲ ἀπεντεῦθεν ἤδη περὶ οἵου δήποτε πράγματος ἐγγράφου ἢ ἀγράφου, μήτε περὶ γάμων μήτε περὶ ἕδνων μητε περὶ ἀναλωμάτων γάμων μήτε μὴν περὶ προικὸς ἢ οἵων δήποτε οἰκοσκευῶν συνεισενηνεγμένων ἀλλήλοις παρʼ ἀλλήλων, διὰ τὸ ἐμὲ ὑφὲν ἐφʼ ἅπασι ἀπηλλάχθαι καὶ διαλελῦσθαι πρὸς σέ, καὶ διὰ τὸ σὲ πρὸς ἐμὲ ἐν ἅπασι· καὶ οὐκ ἐξεῖναί μοι κρίνειν κατὰ σοῦ ἐν δικαστηρίοις ἢ ἐκτὸς δικαστηρίων, μικροῦ ἢ μεγάλου, περὶ οὐδένος τὸ σύνολον, καὶ ἐξεῖναι ἑκατέρῳ μέρει ἡμῶν ἑτέρῳ γάμῳ προσομιλῆσαι, διὰ τὸ ἀμφοτέρους ἡμᾶς τοῦτο τὸ ῥεπούδιον πρὸς ἀλλήλους διαπέμψασθαι. καὶ εἰ συμβαίη τινα ἐξ ἡμῶν παραβῆναι ταῦτα τὰ προγεγραμμένα καὶ ἐπεξελθεῖν κατὰ τοῦ ἑτέρου περὶ οἵου δήποτε πράγματος, παρέξει τὸ παραβαῖνον μέρος τῷ ἐμμένοντι χρυσοῦ νομίσματα ἓξζυγῷ δημοσίῳ Ἀντινόου, ἔργῳ καὶ δυνάμει ἀπαιτούμενα, καὶ καταβαλλόμενα ἀμάχως δίχα κρίσεως καὶ δίκης καὶ οἵας δήποτε εὑρησιλογίας καὶ τὸ γράμμα τούτου τοῦ ῥεπουδίου ἐθέμεθα πρὸς ἀλλήλους δισσὸν γραφέν, καὶ ἐξεδόμεθα μεθʼ ὑπογραφῆς τοῦ ὑπὲρ ἡμῶνὑπογραφομένων καὶ ἐπερωτηθέντες ὡμολογήσαμεν. † Αὐρήλιος Μηνᾶς υἱὸς Ὡρουωγχίου κραμπιτᾶς, ὁ προγεγραμμένος, ἐθέμην τοῦτο τὸ ῥεπούδιον τῆς διαλύσεως ταύτης ἐπὶ πᾶσι τοῖς ἐγγεγραμμένοις ἐπὶ τῷ προστίμῳ ὡς πρόκειται. †Αὐρήλιος Μαγίστωρ Ὡρουωγχίου ἀπὸ Ἀντινόου, ἀξιωθείς, ἔγραψα ὑπὲρ αὐτοῦ γράμματα μὴ εἰδότος, παρόντος καὶ εἰπόντος μοι κατὰ πρόσωπον ὡς πρόκειται. †

Connections

Found at Antinoöpolis

Cross-references (3)

Similar inscriptions · by content embedding

About this record's data
  • From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
  • AI-inferred — the image-analysis panel (deities, names, signs) is machine-generated and may be wrong.
  • Approximate location — most map points are plotted at the site centroid, not the exact findspot.
  • Inferred links — cross-references marked with a match method other than explicit-source-field were matched by us, not stated by the source.
  • Inherited across the Trismegistos spine — a Trismegistos ID names one ancient text, and papyrology splits that text's description across databases: the edition in one, the date and provenance in another, the physical papyrus in a third. Fields tagged via … on this page were read from a sibling record under the same TM number, not asserted by Papyri.info — DDbDP (Duke Databank of Documentary Papyri) — text.