Home › Browse › DDbDP-text › Object 135014
Papyri.info — DDbDP (Duke Databank of Documentary Papyri) — text · papyrus

p.ital.2.31

Source of record: Papyri.info — DDbDP (Duke Databank of Documentary Papyri) — text — catalogued by the holding institution. View the original record →

The same text in other collections

Linked by Trismegistos ID TM 114814. Each record below describes this same artifact or text from a different angle.

Inscriptions (1)

Inscription #1 · Latin · Latin

Transcription

[1] [… ? lines lost …] […]optimo et inconcusso iure possessum est, ita usque nunc in h d die possidetur, optimum maximumque est. veniens sibi suprascriptus venditor dixit ex iure et successione quondam matris suae et filiorum suorum, omni pretio inter eos placito et definito pro suprascriptis portionibus ex duobus fundis et omnibus ad se pertinentibus auri solidos dominicos, optimos, pensantes numero quadraginta tantum, qui eidem venditori per manus suprascripti emptoris dati, numerati et traditi sunt domi ex arca vel ex sacculo suo testibus praesentibus infra subscripturi, nihilque sibi suprascriptus venditor ex hoc omni pretio quidquam amplius redhiberi dixit, et pollicetur se nullam in posterum adversus eundem comparatorem heredesve eius super huius definitionis placitum aliquam aliquando movere rem, litem, actionem, petitionem, repetitionem, controversiam, quaestionem in rem vel in personam habere habiturumve esse, in quam vacuam possessionem rei suprascriptae qui supra venditor eidem emptori actoribusque eius in rem ire, mittere, ingredi possidereque permisit, ac suos omnes inde ex eadem re exisse, excessisse discessisseque dixit nummo usuali dominico uno . liberas autem illibatas portiones duorum fundorum ab omni nexu fisci, debiti populi privative et ab aere alieno, litibus, causis controversibusque omnibus nec non et a sorte barbara et a ratione tutelaria sed et cura et ab obligatione ceterisque aliis titulis vel oneribus sive contractibus, nullique antea portiones iuris sui sibi competentes in integro a se donatas, cessas neque distractas nec alicui offiduciatas, nec cum quoquam eas habere communes neque per cautionem neque per venditionem aliove quolibet iure transtulisse sed sui iuris esse professus est. et si quis portiones supramemoratas, de qua h d die agitur, partemve earum inve quam partem aut usumfructumve earum quis evicerit, quominus emptori suprascripto ipsum, heredes successoresve eius eumve, ad quem ea res erit, de qua agitur pertinet pertinebit, habere, tenere, possidere, uti, frui usuque capere, donare, vendere, commutare, more quo voluerit in perpetuo vindicare recte liceat comparatori heredibusve eius, quod ita licitum non erit, evictum ablatumve quid fuerit, tunc quanti ea res erit, quae evicta fuerit, duplum numerum solidorum suprascriptum sed et rei quoque melioratae, aedificatae cultaeque taxatione habita a suprascripto venditore heredibusve eius memorata comparatori eiusque heredibus cogantur inferre iuxta legum ordinem. huic venditioni traditionique dolum malum abest afuturusque est vi, metu et circumscriptione cessante, de qua re et de quibus omnibus suprascriptis stipulatus est Montanus vir clarissimus notarius, emptor, spopondit qui supra Domnicus vir honestus venditor ad omnia suprascripta in verbis sollemnibus. actum Ravenna, die sexies post consulatum suprascripti. signum Dominici viri honesti, suprascripti venditoris, litteras nescientis. item subscriptio testium. Florus vir clarissimus his instrumentis portiones fundi Domicilii vel Centum, quod Viginti et quinque appellatur, in integro cum aedificio rogatus a Domnico viro honesto, suprascripto venditore, ipso praesente testis subscripsi, et suprascriptum pretium quadraginta solidos ei in praesenti traditos vidi, qui et mei praesentia signum fecit. Reparatus vir clarissimus, praepositus cursorum dominicorum, his instrumentis portionis suprascripti fundi Domicilii cum aedificio et Centum viginti quinque appellatur in integro rogatus a Domnico viro honesto, suprascripto [2] venditore, ipso praesente testis subscripsi, et suprascriptum pretium quadraginta solidos ei in praesenti traditos vidi, qui mei praesentia signum fecit. Paulus vir clarissimus, argentarius, his instrumentis portionis fundi Domicilii cum aedificio vel Centum, qui Viginti quinque appellatur, rogatus a Domnico viro honesto, suprascripto venditore, ipso praesente testis subscripsi, et suprascriptum pretium quadraginta solidos ei in praesenti traditos vidi, et mei praesentia signum fecit. ego Vitalis vir clarissimus, monitarius, his instrumentis portionis suprascripti fundi Domicilii cum edificio vel Cento, qui Viginti quinque appellatur, rogatus a Domnico viro honesto, suprascripto venditore, ipso praesente testis subscripsi, et suprascriptum pretium quadraginta solidos ei in praesenti traditos vidi. ego Romulus vir clarissimus, silentiarius, his instrumentis portionis fundi Domicilii cum aedificio vel Centum, qui Viginti quinque appellatur, rogatus a Domnico viro honesto, suprascripto venditore, ipso praesente testis subscripsi, et suprascriptum pretium quadraginta solidos ei in praesenti traditos vidi, et mei praesentia signum fecit. item inserendam epistulam traditionis datam ad municipes civitatis Faventinae. dominis praedicabilibus et colendis parentibus defensori, magistratui quinquennali cunctoque ordini curiae civitatis Faventinae Domnicus vir honestus salutem. noverit gravitas vestra me iure optimo et propria voluntate legibus distraxisse, et distraxi, montano viro clarissimo, notario sacri vestiarii domini nostri, id est omnem portionem meam mihi competentem ex fundo, cui vocabulum est Domicilius, cum aedificio et ex fundo, qui appellatur Centum, item portionem meam omnem in integro cum omnibus ad se pertinentibus, a quo omnem pretium placitum et definitum in praesenti percipi auri solidos quadraginta , ut tenor continet instrumentorum, quae apud Ravennatem urbem confecta sunt, et quia sola traditio eis deest, ideoque, domini praedicabiles, accepta hac epistula mea laudabilitas vestra dignabitur quolibet modo aut quolibet tempore, quando eidem emptori placuerit, sollemnem traditionem celebrari, ut adnoscat ad se deinceps omnia pertinere; nomen quoque meum de polypticis publicis eximi faciatis et nomen suprascripti emptoris in loco prosterni faciatis. quam epistulam traditionis de immutato dominio Stefano viro honesto forensi, rogatario meo, scribendam dictavi, in qua subter manu propria signum feci et testes, ut subscriberent, conrogavi et ad vos direxi sub die III Nonarum Ianuariarum, indictione tertia, sexies post consulatum Paulini Iunioris viri clarissimi, Ravennae. signum Domnici viri honesti, suprascripti venditoris, litteras nescientis. item subscriptio testium Florus vir clarissimus huic epistulae traditionis fundi Domicilii cum aedificio vel Centum, quod Viginti et quinque appellatur, rogatus a Domnico viro honesto, suprascripto venditore, ipso praesente testis subscripsi. Reparatus vir clarissimus, praepositus cursorum dominicorum, huic epistulae traditionis portionis fundi Domicilii cum aedificio vel Centum, quod Viginti et quinque appellatur, rogatus a Domnico viro honesto, suprascripto venditore, ipso praesente testis subscripsi. Paulus vir clarissimus, argentarius, huic epistulae Domicilii cum aedificio vel Centum, quod Viginti et quinque appellatur, rogatus a Domnico viro honesto, suprascripto venditore, ipso praesente testis subscripsi. [3] magistratus dixit: lecta instrumenta venditionum simulque et epistulam traditionis in acta migraverunt. et adiecit: secundum petitionem Montani viri clarissimi pergant nunc de praesenti Firmilianus Ursa et Flavius Severus Iunior viri laudabiles, principales, una cum Deusdedit exceptore ad Domnicum virum honestum, ita ut, dum eidem instrumenta venditionum una cum epistula traditionis ostensa relictaque fuissent, si a se facta esse cognoscet vel quid responsi dederit, actis renuntietur. cumque ad Domnicum virum honestum, suprascriptum venditorem, item fuisset et paulo post regressum ad publicum, praesentibus qui supra Firmiliano Urso et Flavio Severo Iuniore viris laudabilibus principalibus sed et Deusdedit exceptore dixerunt: sicut praecipit gravitas vestra, perreximus ad Domnicum virum honestum, suprascriptum venditorem, cuique dum a nobis eidem instrumenta venditionum simulque et epistula traditionis ostensa relictaque fuissent, ita dedit responsum se eadem Stefano viro honesto, forensi, scribenda dictavisset et ipse in eisdem subter signum fecisset testesque, qui inibi subscripserunt, ipse conrogavisse professus est, per quibus sedistraxisse, et distraxit, atque tradidisse, et tradidit, is idem Domnicus vir honestus eidem Montano viro clarissimo, notario sacri vestiarii,, sub duplariae rei evictionis nomine et rei quoque melioratae ea omnia, quae textus ipsorum instrumentorum venditionum vel epistulae traditionis ad singula tenor continent scriptura, quae etiam gestis gravitatis vestrae allegare desiderat, his actis profitemur. magistratus dixit: accepta responsione praesentum Firmiliani Ursi et Flavi Severi Iunioris virorum laudabilium, principalium, pariterque et Deusdedit exceptoris quid nunc amplius fieri desideratur Montanus vir clarissimus, notarius sacri vestiarii, dixit: quoniam omnia ordine suo, quae ad firmitatem ipsorum instrumentorum venditionum vel epistulae traditionis roborem pertinebat, rite ademplita sunt, ideoque peto gravitatem vestram, optimi magistratus, ut gesta mihi propter munimen meum a competenti officio edi iubeatis ex more. Pompulius Plautus magistratus dixit: ut petisti, gesta tibi propter munimen tuum a competenti officio dabuntur ex more. Pompulius Plautus magistratus gesta apud me habita recognovi. ego Plautus. Flavius Florianus, vir clarissimus, his gestis apud nos habitis subscripsi. ego Florianus. Firmilianus Ursus, vir laudabilis, his gestis apud nos habitis subscripsi. Flavius Severus Iunior, vir laudabilis, his gestis apud nos habitis subscripsi. Flavius Quiriacus Iunior, vir laudibilis, his gestis apud nos habitis subscripsi. Deusdedit exceptor civitatis Ravennatis ea gesta edidi.

Cross-references (3)

Similar inscriptions · by content embedding

About this record's data
  • From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
  • AI-inferred — the image-analysis panel (deities, names, signs) is machine-generated and may be wrong.
  • Approximate location — most map points are plotted at the site centroid, not the exact findspot.
  • Inferred links — cross-references marked with a match method other than explicit-source-field were matched by us, not stated by the source.