Home › Browse › DDbDP-text › Object 135020
Papyri.info — DDbDP (Duke Databank of Documentary Papyri) — text · papyrus

p.ital.2.37

Source of record: Papyri.info — DDbDP (Duke Databank of Documentary Papyri) — text — catalogued by the holding institution. View the original record →

The same text in other collections

Linked by Trismegistos ID TM 114357. Each record below describes this same artifact or text from a different angle.

Inscriptions (1)

Inscription #1 · Latin · Latin

Transcription

imperante domino nostro Mauricio Tiberio perpetuo Augusto anno nono, post consulatum eiusdem anno octavo, sub die sexto Iduum Martiarum, indictione nona, in Classe Ravennati. Honoratus vir honestus, tabellio, scripsi rogatus a Rusticiana honesta femina, filia Felici defensoris sanctae ecclesiae Romanae, et ab eiusque iugale auctore et spontaneo fideiussore Tzittane viro devoto, milite numeri felicum Persoarminiorum, ipsos praesentes, adstantes, consentientes et inferius manibus propriis signa facientes, et testes, ut subscriberent, pariter conrogavit. constat eos hac die cum communi consensum distraxisse, et distraxerunt, tradidisse, et tradiderunt, iure optimo et legibus sub duplariae rei et rei quoque melioratae Iohanni viro clarissimo, adoratori numeri felicum Ravennatium, qui nunc miles numeri felicum lectum, filio quondam […], iure directo in perpetuum heredibus posterisque eius, id est sex in integro uncias iuris sui ex fundo Geneciano, territorio Ariminensi constitutum inter adfines fundum Maurianum et fundum Preturium et in reliquis sex unciis Hildigerno, qui nunc sunt, et si qui alii adfines sunt vel ab origine fuerunt, qua quemque tangit et populum, finibus, spatiis, terminis, campis, pratis, pascuis, vineis, araarbustis, rboribus pomiferis fructiferis et infructiferis diversisque generibus, silvis, salictis, sationalibus, rivis, fontibus, aquis perennibus cum earum iure et omni proprietateque omnibusque ad easdem sex uncias suprascripti fundi Geneciani generaliter longo lateque pertinentibus vel universis adiacentibus, sicuti ante a suprascriptis venditoribus auctoribusve eorum bono, optimo et inconcusso iure possessae sunt et nunc usque in hanc diem possidentur, ita et tradentur. venientes sibi dixit suprascriptas sex uncias fundi Geneciani quae supra Rustici ana, honesta femina, ex testamentaria voluntate quondam Iustini anterioris iugalis sui, pretium inter eosdem placitum et definitum pro suprascriptas sex uncias id est auri solidos dominicos, obriziacos, optimos, pensantes numero viginti quattuor tantum, qui eisdem venditoribus ac die dati, numerati et traditi sunt domi ex arca et ex sacullo suprascripti emptoris, dante, numerante et tradente suprascripto comparatore, suscipientes praefati venditores hac sibimet in integro omnem pretium perportantes, nihilque sibi ipsi venditores ex hoc omni pretio suprascriptorum viginti quattuor auri solidorum quidquam amplius redhiberi aut remansisse dixerunt et promiserunt, hac se suosque omnes exinde ex eadem rem exisse, excessisse discessisseque dixerunt, et eundem comparatorem in rem ire, mittere, ingredi possidereque permiserunt. liberas autem illibatas ab omni nexu fisci, debiti populi privative et ab aere alieno, litibus controversisque suis omnibus, sed et a dotis titulo, donationis subsignationisve et a ratione tutelaria nec non et curae seu obligationis ceterisque aliis titulis vel oneribus seu contractibus, nullique ante a se donatas, cessas vel oppositas neque antea alicui distractas nec cum quoquam eas habere commune sed sui iuris eas esse dixerunt. si quis autem suprascriptas sex uncias fundi supramemorati Geneciani,de qua agitur, hac die partemve earum inve quam partem aut usumfructum quis evicerit, quominus emptori ipsum heredes successoresque eius ei ad quem ea res erit, de qua pertinet pertinebit, habere, tenere, possidere, donare, vendere, commutare hac suo iuri dominiumque more quo voluerit in perpetuo vindicare recte liceat eidem comparatori, quod ita alii licitum non erit, quae evictum ablatumve quid erit, tunc quanti ea res erit, quae evicta fuerit, duplum numerum suprascriptorum viginti quattuor auri solidorum et rei quoque melioratae, sicut adsolet, a suprascriptis venditoribus eorumque heredibus secundum legem ordine dari convenit sub oppositione rerum facultatumque suprascriptorum venditorum, quas habent habiturive erunt, de qua vero venditione qui supra venditores quinque dies usumfructum sibi retinuerunt, quod denuo emptori pro sollemni traditione constabit, dolo malo, vi, metu et circumscriptione cessante. gestis municipalibus si allegandi eligeris, tribuerunt suprascripti venditores licentiam sub stipulatione et sponsione interposita. actum indictione suprascripta. signum † suprascriptae Rusticianae honestae feminae venditricis, litteras nescientis. signum † suprascripti Tzittani viri devoti, iugalis suprascriptae venditricis, auctoris et spontanei fideiussoris, litteras nescientis. Domninos vir clarissimus exepodecta, his instrumentis sex in integro unciarum fundi Geneciani, sicut superius legitur, rogatus a Rusticiana honesta femina, venditrice, eiusque iugale Tzitaneviro devoto, auctore et spontaneo fideiussore, qui me praesente signa fecerunt, et eis relictum est, testis subscripsi, et suprascripto pretio auri solidos viginti quattuor eis in praesenti a Iohanne viro clarissimo, comparatore, adnumeratos et traditos vidi. Πακειφικος βιρ hονεστυς εις εστορμεντις σεξ εν ιντριγρο ουνκειαρουμ φουνδι Γενεκειανι, σικοτ σουπεριως λεγιτορ, ρογατος α σουπραεσκριπα Ρουστικειανα hονεστα φεμινα, βενδετρικαι, ειουςκαε ιουγαλη Κειτανε βιρο δεουοτο αυτουρε εδ εσποντανεω φεδιιουσσουρε, κοε με πρεσεντε σιγνα φεικαερουμ, εδ εεις ρελικτο ες, τεστις σουσκριψι, ετ σουπραεσκριπο πρεκειω αυρι σολιδος βειεντι καυτουρ εεις εν πρεσιντι Ιωαννε biro κλαρισσιμο, κονπαρατωρε, αδνομιρατος ετ τραδιτος βειδι. Petrus vir clarissimus his instrumentis sex in integro unciarum fundi Geneciani, sicut superius legitur, rogatus a suprascripta Rusticiana honesta femina, venditricis, eiusque iugale Tzitane viro devoto, auctore et spontaneo fideiussore, qui me praesente signa fecerunt, et eis relictum est, testis subscripsi, et suprascripto pretium auri solidos viginti quattuor eis in praesenti a Iohanne viro clarissimo, comparatore, adnumeratos et traditos vidi. […]. Lumenosus vir honestus his instrumentis sex in integro unciarum fundi Geneciani, sicut superius legitur, rogatus a suprascripta Rusticiana honesta femina, venditrice, eiusque iugale Tzittane viro devoto, auctore et spontaneo fideiussore, qui me praesente signa fecerunt, et eis relictum est, testis subscripsi, et suprascriptum pretium auri solidos viginti quattuor eis in praesenti a Iohanne viro clarissimo, comparatore, adnumeratos et traditos vidi. subscripsi. Deusdedit vir clarissimus his instrumentis sex in integro unciarum fundi Geniciani, sicut superius legitur, rogatus a suprascripta Rusticiana honesta femina, venditrice, eiusque iugale Zittane viro devoto, auctore et spontaneo fideiussore, qui me praesente signa fecerunt, et eis relictum est, testes subscripsi, et suprascriptum pretium auri solidos viginti quattuor eis in praesenti a Iohanne viro clarissimo, comparatore adnumeratos et traditos vidi. Honoratus vir honestus, tabellio Classis, scriptor huius documenti sex unciarum fundi suprascripti, roboratum a testibus traditum complevi et absolvi.

Cross-references (3)

Similar inscriptions · by content embedding

About this record's data
  • From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
  • AI-inferred — the image-analysis panel (deities, names, signs) is machine-generated and may be wrong.
  • Approximate location — most map points are plotted at the site centroid, not the exact findspot.
  • Inferred links — cross-references marked with a match method other than explicit-source-field were matched by us, not stated by the source.