Home › Browse › DDbDP-text › Object 136607
Papyri.info — DDbDP (Duke Databank of Documentary Papyri) — text · papyrus

p.lips.1.34dupl 375 - 378Hermopolis

Majestätsgesuch in einem Verfahren wegen unterschlagener Amtsgelder via HGV-meta

Source of record: Papyri.info — DDbDP (Duke Databank of Documentary Papyri) — text — catalogued by the holding institution. View the original record →

The same text in other collections

Linked by Trismegistos ID TM 22345. Each record below describes this same artifact or text from a different angle.

Inscriptions (1)

Inscription #1 · Greek · Greek

Transcription

[r] τοῖς γῆς καὶ θαλάττης καὶ παντὸς ἀνθρώπων ἔθνους καὶ γένους δεσπόταις Φλαυίοις Οὐάλεντι καὶ Γρατιανῷ καὶ Οὐαλεντινιανῷ αἰωνίοις Αὐγούστοις δέησις καὶ ἱκεσία παρὰ Φλαυίου Ἰσιδώρου ὀφφικιαλίου τάξεως ἡγεμονίας τῆς ὑμετέρας Θηβαίδος. κατὰ τὴν πρώτην ἐπινέμησιν, θειότατοι βασιλεῖς, ἐνεχειρίσθην παρὰ Ἀμμωνᾶ ἀπὸ διαψηφιστῶν τῆς ἡμετέρας τάξεως χρυσοῦ νομισμάτια διακόσια τριάκοντα ὀκτώ , ὥστε διακομίσαι καὶ παραδοῦναι Διοσκουρίδῃ τινὶ Ἑρμουπολίτῃ ὄντι ἐν τῷ θείῳ κομιτάτωι καὶ παραγενόμενος πρὸς τὸν προειρημένον τὰ μὲν καταβέβληκα αὐτῷ, χρυσοῦ νομισμάτια ἑξήκοντα ἕν , λαβὼν παρʼ αὐτοῦ ἀποχήν, ὑπελείφθη δὲ παρʼ ἐμοὶ ἕτερα νομισμάτια ἑκατὸν ἑβδομήκοντα ἑπτά , χρείας μὴ ἐπειγούσης. καὶ συνέβη ἔκ τινος πονηροῦ δαίμονος σύλησιν γενέσθαι τούτου τοῦ ὑπολειφθέντος παρʼ ἐμοὶ χρυσίου, ὡς καὶ μεμαρτυρήκασιν ἐμοὶ πολλοὶ Θηβαῖοι τηνικαῦτα παρόντες, Ζηναγένης ὁ δηφήνσωρ καὶ οἱ πρεσβεύσαντες ὑπὲρ τῆς ἐπαρχείας Μακάριός τε καὶ Φιλαπόλλων καὶ ἄλλοι ἀξιόπιστοι. καὶ τούτῳ τῷ πταίσματι περιπεσὼν ἐπανῆλθον εἰς τὴν τάξιν. ἀλλʼ οἱ πολιτευόμενοι τῆς Ἑρμοῦ πόλεως οἱ δεδωκότες τὸ χρυσίον Ἀμμωνᾷ προσῆλθον τῷ λαμπροτάτῳ Περγαμίῳ τῷ ἡγουμένῳ τοῦ ἔθνους, φάσκοντες διακατέχειν με τὸ χρυσίον καὶ ἐξετάσεως γεγενημένης καὶ τῶν μαρτύρων κατατιθεμένων ἐν ὑπομνήμασι, ῥητόν τινα χρυσίον ἐκελεύσθην παρασχεῖν αὐτοῖς τοῦ ὑπολοίπου λογισθέντος αὐτοῖς εἰς συμπλήρωσιν τοῦ λόγου ἐν διαγνωστικοῖς ὑπομνήμασιν. καὶ πάντα τὰ ἐμαυτοῦ διαπωλήσας, καὶ σχεδὸν εἰπεῖν μέχρις αὐτῶν τῶν φιλτάτων μου ἔφθασα, μάλα μόγις ἐδυνήθην εἰσενεγκειν. διὰ τοῦτο δέομαι τῆς οὐρανίου ὑμῶν τύχης ἐπινεῦσαι βέβαια καὶ ἀσάλευτα μένειν τὰ περὶ ταύτης τῆς ὑποθέσεως πεπραγμένα ἐξ ἀντικαθεστώτων ὑπομνήματα, τῶν νόμων οὕτως κελευόντων μὴ δεῖν παρασαλευθῆναι τὰ ὑπὸ τοῦ ἄρχοντος ἅπαξ ἀποφανθέντα ἐξ ἀντικαθεστώτων, βοηθοῦντος τοῦ ἄρχοντος τῆς χώρας. τούτου δὲ τυχὼν χάριτας ἀειμνήστους τῇ ὑπερλάμπρῳ ὑμῶν εὐσεβίᾳ διὰ παντὸς ὁμολογήσω. [v] ἰσον τῆς χειρὸς ἧς δέδωκεν Διοσκουρίδης Ἀμμωνᾷ τῷ ἀπὸ διαψηφιστῶν ὅτε ἐξητήθη τὸ πρᾶγμα τοῦ χρυσίου. Φλαυίῳ Εὐτυχίῳ τῷ λαμπροτάτῳ ἡγεμόνι παρὰ Αὐρηλίου Διοσκουρίδου Σιλβανοῦ βουλευτοῦ Ἑρμοῦ πόλεως τῆς λαμπροτάτης ὑποδέκτου χρυσοῦ τιρώνων. ὑπεδεξάμην παρὰ Ἰσιδώρου ὀφφικιαλίου ἐν Ἱερᾷ πόλει λόγου ἐνδυμάτων τιρώνων ια καὶ ιδ ἰνδικτιόνων χρυσοῦ νομισμάτια ἑξήκοντα ἕν, γίνεται χρυσοῦ νομισμάτια ξα καὶ ἵνα μηδὲν λάθῃ σου τὸ μεγαλεῖον ἀναφέρω, ἡγεμὼν κύριε. ὑπατείας τῶν δεσποτῶν ἡμῶν Οὐαλεντινιανοῦ καὶ Οὐάλεντος τῶν αἰωνίων Αὐγούστων τὸ δ. αὐθεντικὴ δέησις εἰς θείους περὶ τῆς οἰκίας

Connections

Found at Hermopolis

Cross-references (3)

Similar inscriptions · by content embedding

About this record's data
  • From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
  • AI-inferred — the image-analysis panel (deities, names, signs) is machine-generated and may be wrong.
  • Approximate location — most map points are plotted at the site centroid, not the exact findspot.
  • Inferred links — cross-references marked with a match method other than explicit-source-field were matched by us, not stated by the source.
  • Inherited across the Trismegistos spine — a Trismegistos ID names one ancient text, and papyrology splits that text's description across databases: the edition in one, the date and provenance in another, the physical papyrus in a third. Fields tagged via … on this page were read from a sibling record under the same TM number, not asserted by Papyri.info — DDbDP (Duke Databank of Documentary Papyri) — text.