no image
DDbDP-text
Amtlicher Bericht des Dorfschreibers und der Dorfältesten von Theadelpheia an den ΛΙΜΝΑΣΤΗΣ der 6. Toparchie via HGV-meta
Linked by Trismegistos ID
TM 11958.
Each record below describes this same artifact or text from a different angle.
Ἀσώπωι λιμναστῆι ἕκτης τοπαρχίας
Θεμίστου
παρὰ Πλουτίωνος κωμογραμματέως καὶ
Ζωίλου Πολυδεύκους καὶ Ὀννώφρεως Σούλεως καὶ Σουχίωνος
Χάρμου καὶ Ἀρητίωνος Νάσωνος
πρεσβυτέρων κώμης Θεαδελφείας.
ἐπιζητοῦντι σοί, εἰ ἡ δημοσία γῆ
πᾶσα παρὰ γεωργοῖς ἐστι ἢ λείπονταί τινες ἄρουραι ἀγεώργητοι,
προσφωνοῦμεν ὀμνύοντες
τὴν Αὐτοκράτορος Καίσαρος Μάρκου
Αὐρηλίου Ἀντωνίνου Σεβαστοῦ τύχην
καὶ τὴν Αὐτοκράτορος Καίσαρος Λουκίου
Αὐρηλίου Οὐήρου Σεβαστοῦ τύχην
πᾶσαν τὴν περὶ τὴν κώμην δημοσίαν
γῆν εἶναι παρὰ γεωργοῖς ……μένοις
ἢ καὶ […]…[…]…μένοις τὴν γῆν
καὶ μηδεμίαν ἄρουραν ἀγεώργητον εἶναι ἢ ἔνοχοι εἴημεν τῷ ὅρκωι.
Πλουτίων ὡς ἔτους νη οὐλὴ ἀστραγάλῳ ἀριστερῷ,
Ζώιλος ὡς ἔτους μ οὐλὴ ἀντικνημίῳ δεξιῷ,
Ὀννῶφρις ὡς ἔτους ν οὐλὴ δακτύλῳ μεγάλῳ χειρὸς ἀριστερᾶς,
Σουχίων ὡς ἔτους λη οὐλὴ δακτύλῳ μεγάλαῳ χειρὸς ἀριστερᾶς,
Ἀρητίων ὡς ἐτῶν[…]ε οὐλὴ ἀντικνημίῳ δεξιῷ,
εἰκονισθέντες διὰ γραφείου Θεαδελφείας.
ἔτους β Ἀντωνίνου καὶ Οὐήρου τῶν
κυρίων Σεβαστῶν Φαῶφι κα.Spotted an error, a mis-mapped findspot, or have a suggestion? We read every note.