no image
DDbDP-text
Pachtvertrag via HGV-meta
Lease of a third share of 2 arouras at Thynis. A one-year lease in which the illiterate farmer Aurelius Banos of Thynis rents from the noblewoman Aurelia Eucharistia of Hermopolis her third share of a 2-aroura plot, for a rent of 12 1/4 gold carats payable in Phaophi. It was drawn up at Hermopolis on 4 December 485. machine translation
Linked by Trismegistos ID
TM 16114.
Each record below describes this same artifact or text from a different angle.
[r]
τοῖς μετὰ τὴν ὑπατείαν Φλαυίου Θεοδωρίχου τοῦ λαμπροτάτου, Χοιὰκ η, θ ἰνδικτίονος.
Αὐρηλίᾳ Εὐχαριστίᾳ Ἑρμογένους τῇ εὐγενεστάτῃ ἀπὸ τῆς
Ἑρμουπολιτῶν παρὰ Αὐρηλίου Βάνου Ἰωάννου μητρὸς Θεοδώρας,
γεωργοῦ ἀπὸ κώμης Θύνεως τοῦ Ἑρμουπολίτου νομοῦ.
ὁμολογῶ ἑκουσίως καὶ αὐθαιρέτως μεμισθῶσθαι παρά σου
πρὸς μόνον ἐνιαυτὸν ἕνα καρπῶν τῆς εὐτυχοῦς
δεκάτης ἰνδικτίονος τὸ ὑπάρχον σοι τρίτον μέρος ἀρουρῶν
δύο διακειμένων ἐν τῇ ἡμιόδῳ ἐν πεδιάδι τῆς αὐτῆς
κώμης· γείτονες τῶν αὐτῶν δύο ἀρουρῶν νότου δημοσία
ὁδός, βορρᾶ γῄδια Πιαρίου Βηκίου, ἀπηλιώτου γῄδια Ἰωάννου
…[…]ς, λιβὸς γῄδια τῶν κληρονόμων τοῦ ἰατροῦ, εἰς σπορὰν καρπῶν
ὧν ἐὰν αἱρῶμαι, φόρου τοῦ αὐτοῦ τρίτου μέρους κατʼ ἔτος
χρυσοῦ κερατίων δώδεκα τετάρτου , ὅνπερ χρυσικὸν
φόρον ἀποδώσω σοι τῷ Φαῶφι μηνὶ κατʼ ἔτος
ἀνυπερθέτως· ἡ μίσθωσις κυρία καὶ βεβαία καὶ ἐπερωτηθεὶς ὡμολόγησα.
Αὐρήλιος Βᾶνος Ἰωάννου ε[…] τῇ μισθώσει ὡς πρόκειται. Αὐρήλιος Φοιβάμμων
…γένους ἀξιωθεὶς ἔγραψα ὑπὲρ αὐτοῦ γράμματα μὴ εἰδότος Αὐρήλιος
Ἰωάννης Παλλαδίου ἀπὸ Ἑρμουπόλεως μαρτυρῶ τῇ μισθώσει ἀκούσας παρὰ τοῦ θεμένου. Αὐρήλιος Βίκτωρ Κολλούθου ἀπὸ Ἑρμουπόλεως μαρτυρῶ τῇ
μισθώσει ἀκούσας παρὰ τοῦ θεμένου.
† διʼ ἐμοῦ Φοιβάμμωνος ἐγράφη.
[v]
μίσθωσις Βάνου Ἰωάννου γεωργοῦ ἀπὸ Θύνεως τοῦ Ἑρμουπολίτου.Spotted an error, a mis-mapped findspot, or have a suggestion? We read every note.