Home › Browse › DDbDP-text › Object 26122
Papyri.info — DDbDP (Duke Databank of Documentary Papyri) — text · papyrus

chrest.mitt.316 21. Febr. 194Karanis ? (Arsinoites, Ägypten)

Source of record: Papyri.info — DDbDP (Duke Databank of Documentary Papyri) — text — catalogued by the holding institution. View the original record →

The same text in other collections

Linked by Trismegistos ID TM 9056. Each record below describes this same artifact or text from a different angle.

  • bgu.1.326 DDbDP-text Karanis ? (Arsinoites, Ägypten)21. Febr. 194
  • (untitled record) HGV-meta Karanis ? (Arsinoites, Ägypten)21. Febr. 194

Inscriptions (1)

Inscription #1 · Greek · Greek

Transcription

[r] [column 1] […] ἑρμηνεία διαθήκης. Γάιος Λογγῖνος Κάστωρ οὐετρανὸς ἐντίμως ἀπολυθεὶς ἐκ κλάσσης πραιτωρίας Μισηνῶν διαθήκην ἐποίησεν. ἐλευθέρας εἶναι κελεύω Μαρκέλλαν δούλην μου μείζονα ἐτῶν τριάκοντα καὶ Κλεοπάτραν δούλην μου μείζονα ἐτῶν τριάκοντα […]ομο[…] ἐξ ἴσου μέρους ἐμοῦ κληρονόμοι ἔστωσαν οἱ δὲ λοιποὶ πάντες ἀποκληρονόμοι μου ἔστωσαν. προσερχέσθωσανοὖν τῇ κληρονομίᾳ μου ἑκάστη ὑπὲρ τοῦ ἰδίου μέρους ὁπόταν γνῷ καὶ δύνηται μαρτύρασθαι ἑαυτὴν ἐμοῦ κληρονόμον εἶναι, μὴ ἐξεῖναι δὲ πιπράσκειν μηδὲ ὑποτίθεσθαι. ἀλλʼ εἴ τι ἐὰν ἀνθρώπινον πάθῃ Μαρκέλλα ἡ προγεγραμμένη, τότε τὸ μέρος τῆς κληρονομίας ἑαυτῆς πρὸς Σαραπίωνα καὶ Σωκράτην καὶ Λόγγον καταντῆσαι θέλω. ὁμοίως Κλεοπάτραν τὸ μέρος αὐτῆς πρὸς Νεῖλον καταντῆσαι θέλω. ὃς ἐάν μου κληρονόμος γένηται, ὑπεύθυνος ἔστω δοῦναι ποιῆσαι παρασχέσθαι ταῦτα πάντα, ἃ ἐν ταύτῃ τῇ διαθήκῃ μου γεγραμμένα εἴη, τῇ τε πίστει αὐτῆς παρακατατίθεμαι. Σαραπιὰς δούλη μου, θυγάτηρ Κλεοπάτρας ἀπελευθέρας μου, ἐλευθέρα ἔστω ᾗ καὶ δίδωμι καταλείπω ἀρούρας σιτικὰς πέντε, ἃς ἔχω περὶ κώμην Καρανίδα ἐν τόπῳ λεγομένῳ Στρουθῷ, ὁμοίως ἄρουραν μίαν τέταρτον κοιλάδος, ὁμοίως τρίτον μέρος οἰκίας μου καὶ τρίτον μέρος ἐκ τῆς αὐτῆς οἰκίας, ὃ ἠγόρασα πρότερον παρὰ Ἡρᾶ Πεθεῦτος μητρὸς Θασεῦτος, ὁμοίως τρίτον μέρος φοινικῶνος, ὃν ἔχω ἔγγιστα τῆς διώρυγος, ὃ καλεῖται [column 2dupl] Παλαιὰ Διῶρυξ. ἐκκομισθῆναι περισταλῆναί τε ἐμαυτὸν θέλω τῇ φροντίδι καὶ εὐσεβείᾳ τῶν κληρονόμων μου. εἴ τι ἐὰν ἐγὼ μετὰ ταῦτα γεγραμμένον καταλείπω τῇ ἐμῇ χειρὶ γεγραμμένον οἵῳ δήποτε τρόπῳ βέβαιόν μοι εἶναι θέλω. ταύτῃ τῇ διαθήκῃ δόλος πονηρὸς ἀπέστη. οἰκετίαν χρήματα τε τῆς διαθήκης γινομένης ἐπρίατο Ἰούλιος Πετρωνιανὸς σηστερτίου νούμμου ἑνός , ζυγοστατοῦντος Γαίου Λουκρητίου Σατορνείλου, ἐπέγνω. ἀντεμαρτύρατο Μᾶρκον Σεμπρώνιον Ἡρακλιανόν, ἐπέγνω. ἡ διαθήκη ἐγένετο ἐν κώμῃ Καρανίδι νομῷ Ἀρσινοείτῃ πρὸ ιε καλανδῶν Νοεμβριῶν δυσὶ Σιλάνοις ὑπάτοις ἔτους λ Αὐτοκράτορος Καίσαρος Μάρκου Αὐρηλίου Κομμόδου Ἀντωνείνου Εὐσεβοῦς Εὐτυχοῦς Σεβαστοῦ Ἀρμενιακοῦ Μηδικοῦ Παρθικοῦ Σαρματικοῦ Γερμανικοῦ Ἁθὺρ κα εἰ δέ τι περισσὰ γράμματα τῇ χειρί μου γεγραμμένα καταλείπω βέβαια εἶναι θέλω. ἠνοίγη καὶ ἀνεγνώσθη Ἀρσινοείτῃ μητροπόλει ἐν τῇ Σεβαστῇ ἀγορᾷ ἐν τῇ στατιῶνι τῆς εἰκοστῆς τῶν κληρονομιῶν καὶ ἐλευθεριῶν πρὸ θ καλανδῶν Μαρτιῶν ὑπάτοις τοῖς οὖσι, ἔτους β Αὐτοκράτορος Καίσαρος Λουκίου Σεπτιμίου Σευήρου Περτίνακος Σεβαστοῦ Μεχεὶρ κζ. οἱ λοιποὶ σφραγισταὶ Γάιος Λογγῖνος Ἀκύλας, ἐπέγνω, Ἰούλιος Βολύσσιος, Μᾶρκος Ἀντίστιος Πετρωνιανὸς Ἰούλιος Γεμέλλος οὐετρανός. ἑρμηνεία κωδικίλλων διπτύχων. Γάιος Λογγῖνος Κάστωρ οὐετρανὸς ἀπολυθεὶς ἐντίμως ἐκ κλάσσης πραιτωρίας Μισηνῶν κωδικίλλους ἐποίησα. Μᾶρκον Σεμπρώνιον Ἡρακλιανὸν φίλον καὶ ἀξιόλογον ἐποίησα ἐπίτροπον τῇ ἰδίᾳ πίστει. συνγενεῖ Ἰουλίῳ Σερήνῳ δίδωμι καταλείπω σηστερτίους νούμμους δ. πρὸ ζ εἰδῶν Φεβραριῶν τῇ ἰδίᾳ μου χειρὶ ἔγραψα. ἐσφράγισαν Λογγῖνος Ἀκύλας καὶ Οὐαλέριος Πρίσκος· σφραγισταί Γάιος Λογγῖνος Ἀκύλας ἐπέγνω Ἰούλιος Φιλόξενος, Γάιος Λουκρήτιος Σατορνεῖλος, ἐπέγνω, Γάιος Λογγῖνος Κάστωρ, Ἰούλιος Γεμέλλος οὐετρανός. ἠνοίγησαν καὶ ἀνεγνώσθησαν τῇ αὐτῇ ἡμέρᾳ ἐν ᾗ καὶ ἡ διαθήκη ἐλύθη. Γάιος Λούκιος Γεμινιανὸς νομικὸς Ῥωμαικὸς ἡρμήνευσα τὸ προκείμενον ἀντίγραφον καί ἐστιν σύμφωνον τῇ αὐθεντικῇ διαθήκῃ. [v] […]Γαίου Λογγίνου Κάστορος

Connections

Found at Karanis

Cross-references (3)

Similar inscriptions · by content embedding

About this record's data
  • From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
  • AI-inferred — the image-analysis panel (deities, names, signs) is machine-generated and may be wrong.
  • Approximate location — most map points are plotted at the site centroid, not the exact findspot.
  • Inferred links — cross-references marked with a match method other than explicit-source-field were matched by us, not stated by the source.
  • Inherited across the Trismegistos spine — a Trismegistos ID names one ancient text, and papyrology splits that text's description across databases: the edition in one, the date and provenance in another, the physical papyrus in a third. Fields tagged via … on this page were read from a sibling record under the same TM number, not asserted by Papyri.info — DDbDP (Duke Databank of Documentary Papyri) — text.