Papyri.info — DDbDP (Duke Databank of Documentary Papyri) — text · other
p.ammon.2.27
Inscriptions (1)
Inscription #1
· Greek
· Greek
Transcription
Αὐρήλιος Ἄμμων Πετεαρβεσχίνιος σχολαστικὸς ἀπὸ Πανὸς πόλεως τῆς Θηβαίδος Αὐρηλίωι Φαυστίνωι πολίτηι καὶ φίλωι ἄρξαντι βουλευτῆι τῆς αὐτῆς πόλεως χαίρειν. ἐπειδὴ ἐγὼ τέως ἀσχο λούμενος τυγχάνω, πρᾶγμα νῦν σπουδαιότατον μετὰ χεῖρας ἔχων καὶ τὸν τῆς γεωργίας ἅμα καιρὸν ἐπέχοντά με στέλλε σθαι πρὸς ἀποδημίαν, βλέπων ἐν τῶι παρόντι, ὅπως μὴ ἄσπο ρος ἡ ἡμετέρα γῆ γενομένη πρὸς τὰς δημοσίας με εἰσφορὰς ἐνεδρεύσηι, ἐντέλλομαί σοι κατὰ ταύτην μου τὴν ἔγγραφον ἐντολὴν τὴν χώραν μου τέως πληρῶσαι . ἀκήκοα γάρ τινα ἐξαίφνης ἔξωθεν ἐπιστάντα βιαίωι τρόπωι ἢ κατὰ παραλογι σμὸν ἐπιχειρεῖν ἁρπάσαι τὰ ἐν Ἀλεξανδρεία ἀνδράποδα τοῦ ἐμοῦ ἀδελφοῦ Ἁρποκρατίωνος, ὡς ὄντα νῦν ἀδέσποτα καὶ ὡς μὴ ἐπὶ κληρονόμοις ἐκείνου τελευτήσαντος . ἐντέλλομαι οὖν σοι τὸν κύριόν μου τὸν διασημότατον ἔπαρχον τῆς Αἰγύπτου Φλάουιον Νεστόριον περὶ τούτου διδάξαι, ὡς ἀδελφὸς ὑπάρχει τοῦ ἀπελθόντος ἐκείνου Ἁρποκρατίωνος ὁμοπάτρι ός τε καὶ ὁμομήτριος νόμιμος ἐκείνου κληρονόμος Ἄμμων τοὔνομα, ὃς καὶ τῶν κατὰ Θηβαίδα ὀλίγων αὐτοῦ πραγμάτων καὶ ταῦτα χερσωθέντων τὰς ὀχλήσεις φέρει καὶ κατʼ ἀνάγκην τῶν νόμων αὐτὸν εἰς τὴν τούτων φροντίδα συνελαυνόν των διὰ τὰ τελέσματα τὰ δημόσια · ταύτην δέ σοι τὴν ἐντολὴν ὑπ’ ἐμοῦ ἰδίοις γράμμασι γραφεῖσαν ἐπιδίδωμι κυρίαν οὖσαν καὶ βεβαίαν πρὸς τὸ δύνασθαι ὑμᾶς ὑπὲρ ἐμοῦ λόγον ἐν τῶι δικαστηρίωι νομίμως ποιήσασθαι καὶ ἢ ἀπολαβεῖν τὰ ἀνδράποδα ἢ ἀξιῶσαι τηρηθῆναι ταῦτα προνοίαι τῆς τάξεως, μέχρις ἂν τὸ δικαστήριον τὴν πρὸς ἀκρίβειαν καταλάβηι πίστιν ἐμοῦ παραγενομένου. text continues as P.Ammon 2 28Cross-references (3)
- TM-Text 23633 primary
- DDbDP-Text p.ammon;2;27 tier-1
- HGV-Text 23633 tier-1
About this record's data
- From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
- AI-inferred — the image-analysis panel (deities, names, signs) is machine-generated and may be wrong.
- Approximate location — most map points are plotted at the site centroid, not the exact findspot.
- Inferred links — cross-references marked with a match method other than explicit-source-field were matched by us, not stated by the source.