Papyri.info — DDbDP (Duke Databank of Documentary Papyri) — text · papyrus

p.mich.5.274_275dupl

Source of record: Papyri.info — DDbDP (Duke Databank of Documentary Papyri) — text — catalogued by the holding institution. View the original record →

Inscriptions (1)

Inscription #1 · Greek · Greek

Transcription

[r] Ἥρων Ἀκουσιλάου καὶ ἡ γυνή μου Θαῆσις Ἡρακλήου καὶ ἡ ἀδελφή μου Φαριένη καὶ ἡ μήτηρ ἡμῶν Θερμουθάριον Φάρου μετὰ κυρίων ἑκατέρων τῶν γυναικῶν τῆς μὲν Θαήσιος ἐμοῦ τοῦ ἀνδρὸς καὶ τῆς Φαριένης καὶ Θερμουθαρίου ὁμολογοῦμεν ἐγὼ μὲν ὁ Ἥρων καὶ ἡ ἀδελφή μου Φαριένη πεπρακέναι Ὡρίωνι Διδύμου τὸν ὑπάρχοντα ἡμῖν πατρικὸν ἀμπελῶνα ἀναδενδρατικὸν ἐν ἑκτολογουμένῃ τάξει ἡμιαρούριον καὶ συνκύροντα πάντα ἐν οἷς ἥμισυ μέρος φρέατος λιθίνου καὶ κηλωνείου καὶ μέρος ὑποδοχείου καὶ ὑδραγωγοῦ καὶ ἰχθύας καὶ χοὸς ἀναβολῆς καὶ τὸ ἥμισυ μέρος τοῦ ἐπὶ τῷ ὑποδοχείῳ χι…οτος Ἑλληνικοῦ καλάμου, πάντα περὶ Εἰβιῶνα Εἰκοσιλενταρούρων τῆς αὐτῆς μερίδος· ὧν γείτονες νότου καὶ ἀπηλιώτου τῆς Τιβερίου Κλαυδίου Καίσαρος Σεβαστοῦ Γερμανικοῦ Αὐτοκράτορος Μαικηνατιανῆς οὐσίας κλῆροι, βορρᾶ Διδυμίονος ἀμπελών, λιβὸς Κρονίωνος ἀμπελών. καὶ ἀπέχομεν παρὰ τοῦ Ὁρίωνος τὴν συγκεχωρημένην τιμὴν πᾶσαν ἐκ πλήρους παραχρῆμα διὰ χειρὸς ἐξ οἴκου καὶ βεβαιώσομεν ἐξ ἀλληλενγύης τὴν πρᾶσιν πάσῃ βεβαιώσει ἀπὸ μὲν δημοσίων τῶν ἐκ τῶν ἐπάνω χρόνων μέχρι τοῦ ἑβδόμου ἔτους καὶ αὐτοῦ τοῦ ἑβδόμου ἔτους Τιβερίου Κλαυδίου Καίσαρος Σεβαστοῦ Γερμανικοῦ Αὐτοκράτορος, ἀπὸ δὲ ἰδιωτικῶν καὶ πάσης ἐμποιήσεως ἐπὶ τὸν ἅπαντα χρόνον καθὼς πρόκιται. Ἥρων γέγραφα καὶ ὑπὲρ τῆς γυναικός μου μὴ εἰδυίας γράμματα. [v] πρᾶσις Ἥρωνος καὶ ἄλλων πρὸς Ὡρίωνα.

Cross-references (3)

About this record's data
  • From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
  • AI-inferred — the image-analysis panel (deities, names, signs) is machine-generated and may be wrong.
  • Approximate location — most map points are plotted at the site centroid, not the exact findspot.
  • Inferred links — cross-references marked with a match method other than explicit-source-field were matched by us, not stated by the source.