no image
DDbDP-text
Erklärung via HGV-meta
Renunciation of a share in an inherited grain mill. A declaration by Aurelia Valeria to her half-sister Aurelia Nemesilla of Philadelphia in the Fayum. Having taken and sold the millstone from their father's inheritance as her share, Valeria renounces any claim to the grain mill they also inherited. A literate Alexandrian wrote it for her because she could not write. machine translation
Linked by Trismegistos ID
TM 9151.
Each record below describes this same artifact or text from a different angle.
ὑπατείας Φλαουίου Φιλίππου τοῦ λαμπροτάτου
ἐπάρχου τοῦ ἱεροῦ πραιτωρίου καὶ Φλαουίου Σαλιᾶ
τοῦ λαμπροτάτου μαγίστρου τῶν ἱππέων Φαμενὼθ ι.
Αὐρηλία Οὐαλερία θυγάτηρ Ἀλυπίου Αὐρηλίᾳ
Νεμεσίλλᾳ ὁμογαστρίῳ μου ἀδελφῇ ἀπὸ κώμης Φιλαδελφίας τοῦ Ἀρσινοίτου νομοῦ χαίρειν.
ἐπειδὴ λίθον σιτοκόπτην καὶ σιταλετικὴν μηχανὴν πατρῷα ἡμῶν ὄντα ἐκληρώθημεν καὶ ἐγὼ μόνη τὸν λίθον ἦρκα καὶ πέπρακα εἰς τὸ αἱροῦν μοι μέρος, κατὰ τοῦτο ὁμολογῶ
μὴ ἔχειν μέρος εἰς τὴν προλεχθεῖσαν σιταλετικὴν μηχανήν, ἀλλὰ ξένον με εἶναι
καὶ ἀλλότριον αὐτῆς καὶ οὐδείς σοι ἐπελεύσεται περὶ αὐτῆς, οὔτε ἐγὼ ἡ Οὐαλερία οὔτε τέκνα μου οὔτε κληρονόμοι οὔτε ἕτερος οὐδείς
καὶ ἐξεδόμην σοι τὴν χεῖρά μου ταύτην πρὸς
ἀσφάλειαν. ἡ ὁμολογία κυρία καὶ ἐπερωτηθεῖσα ὡμολόγησα. Αὐρηλία Οὐαλερία
ἡ προκιμένη ἐξεδόμην τὴν ἀσφάλειαν
τοῦ μὴ ἔχειν μέρος εἰς τὴν μηχανὴν καὶ
συνευδοκῶ τοῖς ἐνγεγραμμένοις, ὡς πρόκειται.
Αὐρήλιος Σαραπίων Ἰουλιανοῦ ἀπὸ τῆς Ἀλεξανδρείας κατοικῶν ἐν τῇ αὐτῇ κώμῃ ἔγραψα
ὑπὲρ αὐτῆς γράμματα μὴ εἰδυίης.Spotted an error, a mis-mapped findspot, or have a suggestion? We read every note.