no image
DDbDP-text
Papyri.info — DDbDP (Duke Databank of Documentary Papyri) — text · papyrus
bgu.2.538 7. Mai 100Nilopolis (Arsinoites)
The same text in other collections
Linked by Trismegistos ID
TM 9224.
Each record below describes this same artifact or text from a different angle.
- (untitled record) HGV-meta Nilopolis (Arsinoites)7. Mai 100
Inscriptions (1)
Inscription #1
· Greek
· Greek
Transcription
ἔτους τρίτου Αὐτοκράτορος Καίσαρος Νέρουα Τραιανοῦ Σεβαστοῦ Γερμανικοῦ
μηνὸς Γερμανικείου ιβ Παχὼν ιβ ἐν Νείλου πόλει τῆς Ἡρακλείδου μερίδος τοῦ Ἀρσινοείτου νομοῦ. ἐμίσθωεν Πανεφρόμμις Ὀννόφριος
ὡς ἐτῶν τριάκοντα ὀκτώ, οὐλὴ ἀντικνημίωι δεξιῶι Ὀρσενούφι ὡς ἐτῶν
τριάκοντα ὀκτὼ οὐλὴ δακτύλωι μικρῷ χειρὸς ἀριστερᾶς καὶ Ἰσίωνι ὡς ἐτῶν
εἴκοσι ἑπτὰ οὐλὴ πήχει ἀριστερῶι, τοῖς δυσὶ Πάπου Πέρσαις τῆς ἐπιγονῆς, ἀλλήλων ἐγγύοις εἰςἔκτισιν τὰς ὑπαρχούσας αὐτῶι περὶ τὸ κάτω πεδίον Ψενύρεως κλήρου κατοικικοῦ ἀρούρας δέκα ἢ ὅσων ἐὰν ὦσι, ἡ μίσθωσις ἥδʼ ἦι
ἐφʼ ἔτη τρία ἀπὸ τοῦ εἰσιόντος τετάρτου ἔτους Αὐτοκράτορος Καίσαρος
Νέρουα Τραιανοῦ Σεβαστοῦ Γερμανικοῦ, ἐκφορίου τοῦ παντὸς κατʼ ἔτος ἑκάστης ἀρούρας, σὺν ᾗ λήμψονται οἱ μεμισθωμένοι κατʼ ἄρουραν σπερμάτων πυροῦ ἀρτάβην μίαν , πυροῦ ἀρταβῶν ἑπτὰ τετάρτου, τοῦ παντὸς
πυροῦ ἀρταβῶν ἑβδομήκοντα δύο ἡμίσους μέτρωι τετάρτωι θεοῦ τῆς
κώμης κατὰ τὴν […]τετάρτην, καὶ ἄξουσι οἱ μεμισθωμένοι κατʼ ἔτος ἐκ τοῦ
ἰδίου […] τὰ τοῦ κλήρου γεωργικὰ ἔργα πάντα τούς τε χωματισμοὺς καὶ ποτισμοὺς καὶ βοτανισμοὺς καὶ σιφωνολογίας καὶ τὴν ἄλλην γεωργικὴν ὑπηρεσίαν πᾶσαν ἐν τοῖς δέουσι καιροῖς, βλάβος μηδὲν ποιῶν,
τὰ δὲ ἐκφόρια ἐπιτελείτωσαν οἱ μεμισθωμένοι κατʼ ἔτος ἐν μηνὶ Παῦνι ἐν τῇ προγεγραμμένῃ κώμηι, τῶν δημοσίων πάντων
τοῦ κλήρου τῶν τε σιτικῶν καὶ ἀργυρικῶν ὄντων πρὸς τὸν μεμισθωκότα Πανεφρόμμιν καὶ μετὰ τὸν χρόνον παραδώτοσαν οἱ μεμισθωμένοι τὸν κλῆρον ὡς αὐτοὶ παρείληφαν, τῆς πράξεως οὔσης
τῶι Πανεφρόμμι ἐκ τε τῶν μεμισθωμένων καὶ ἐκ τῶν ὑπαρχόντων αὐτοῖς πάντων καθάπερ ἐκ δίκης. ὑπογραφεὺς τῶν μεμισθωμένων οὐκ εἰδότων γράμματα Μυσθᾶς Νείλου ὡς ἐτῶν
τριάκοντα … οὐλὴ ὑπὸ ἀντικνημεῖον δεξιόν, τοῦ δὲ ἄλλου ἴδια
γράμματα. ἡσυγγραφὴ κυρία ἔστω πανταχῇ ἐπιφέρουσα καὶ
πα[…]…[…]…σ[…]γει ἡι συγγραφὴι κυρία ἔστω πανταχῇ ἐπιφέρουσα
Ὀρσενοῦφις καὶ Ἰσίων οἱ β Πάπου μεμισθώμεθα τὰς προκειμένας ἀρούρας δέκα ἐφʼ ἔτη τρία ἀπὸ τοῦ εἰσιόντος τετάρτου ἔτους
ἐκφορίου τὴν ἄρουραν καθʼ ἔτος ἑκάστην σὺν ᾗ λημψόμεθα
σπερμάτων κατʼ ἄρουραν πυροῦ ἀρτάβῃ μιᾷ τοῦ παντὸς πυροῦ ἀρταβῶν ἑβδομήκοντα δύο ἡμίσους καὶ θαλλῶν κατʼ ἔτος ἄρτων ἡμιαρταβείου καὶ μετὰ τὸν χρόνον παραδώσομεν τὸν κλῆρον ὡς καὶ ἐκ
μέρους παρειλήφαμεν καθὼς πρόκειται. ἔγραψα ὑπὲρ αὐτῶν
Μυσθᾶς Νείλου διὰ τὸ μὴ εἰδέναι αὐτοὺς γράμματα. Πανεφρέμις
Ὀννόφρεως μεμίσθωκα ἐπὶ πᾶσι τοῖς προκιμένοις καθὼς πρόκειται.
ἐντέτακται διʼ ἐν Νείλου πόλει γραφείου.Similar inscriptions · by content embedding
About this record's data
- From the source institution — accession, description, dimensions, and dating are as catalogued by Papyri.info — DDbDP (Duke Databank of Documentary Papyri) — text.
- AI-inferred — the image-analysis panel (deities, names, signs) is machine-generated and may be wrong.
- Approximate location — most map points are plotted at the site centroid, not the exact findspot.
- Inferred links — cross-references marked with a match method other than explicit-source-field were matched by us, not stated by the source.
- Inherited across the Trismegistos spine — a Trismegistos ID names one ancient text, and papyrology splits that text's description across databases: the edition in one, the date and provenance in another, the physical papyrus in a third. Fields tagged via … on this page were read from a sibling record under the same TM number, not asserted by Papyri.info — DDbDP (Duke Databank of Documentary Papyri) — text.
- date — from HGV-meta, TM-Text 9224 (see that record)
- find site — from HGV-meta, TM-Text 9224 (see that record)