no image
DDbDP-text
Loan of Money via HGV-meta
Advance of gold solidi to an estate gardener at Nesos Lachania. An acknowledgement of a cash advance from the mid-6th century AD near Oxyrhynchus. Aurelius Anoup, a gardener and manager bound to a great estate, received 2 gold solidi less 8 carats from the estate owner through the steward Kyriakos, as an advance for the garden he tends, promising repayment on demand. machine translation
Linked by Trismegistos ID
TM 37511.
Each record below describes this same artifact or text from a different angle.
[… ? lines lost …]
διὰ Μηνᾶ οἰκέτου τοῦ ἐπερωτῶντος καὶ προσπορίζοντος τῷ ἰδίῳ δεσπότῃ τῷ αὐτῷ πανευφήμῳ
ἀνδρὶ τὴν ἀγωγὴν καὶ ἐνοχήν […] διὰ σοῦ τοῦ
θαυμασιωτάτου Κυριακοῦ προνοητοῦ
Αὐρήλιος Ἀνοὺπ υἱὸς Πετρωνίου μητρὸς Μαξίμας φροντιστὴς
κηπουρὸς ἀπὸ ἐποικίου Νήσου Λαχανίας πέραν τῆς Ὀξυρυγχίτων
πόλεως κτήματος τῆς ὑμῶν ὑπερφυείας ἐναπόγραφος
αὐτῆς χαίρειν. ὁμολογῶ ἐσχηκέναι παρὰ τῆς ὑμῶν
ὑπερφυείας ἐντεῦθεν ἤδη λόγῳ προχρείας τοῦ
ὑπʼ ἐμὲ κηπίου τῆς ὑμῶν ὑπερφυείας χρυσοῦ νομίσματα δύο ἰδιωτικῷ ζυγῷ παρὰ κεράτια ὀκτὼ
δοθέντα μοι διὰ τοῦ αὐτοῦ θαυμασιωτάτου Κυριακοῦ
προνοητοῦ, γίνονται χρυσοῦ νομισματα β παρὰ κεράτια η ἰδιωτικῷ ζυγῷ, ἅπερ ἀκίνδυνα ὄντα ἀπὸ παντὸς κινδύνου ἐπάναγκες
ἀποδώσω τῇ ὑμῶν ὑπερφυείᾳ ἢ καὶ τῷ κυρίως
ὑπὲρ αὐτῆς τὴν μεθοδίαν κατʼ ἐμοῦ ποιουμένῳ
ὁπήνικα ἂν ἀπολαβεῖν βουληθείη ἀνυπερθέτως
ἄνευ πάσης ἀντιλογίας κινδύνῳ τῶν ἐμοὶ ὑπαρχόντων πάντων.
κύριον τὸ γραμματεῖον τῆς προχρείας ἁπλοῦν γραφὲν καὶ ἐπερωτηθεὶς
ὡμολόγησα.
† Αὐρήλιος Ἀνοὺπ φροντιστὴς υἱὸς Πετρωνίου
ὁ προγεγραμμένος ἔσχον λόγῳ προχρείας τὰ τοῦ χρυσοῦ
νομισμάτια δύο παρὰ κεράτια ὀκτὼ ἰδιωτικῷ ζυγῷ κεφαλαίου
καὶ ἀποδώσω ὁπόταν βουληθείητε καὶ συμφωνεῖ μοι
πάντα ὡς πρόκειται. Αὐρήλιος Σερῆνος υἱὸς τοῦ μακαρίου
Πτολεμίου ἀξιωθεὶς ἔγραψα ὑπὲρ αὐτοῦ ἀγραμμάτου ὄντος.
† di emu Anoup …e[…]e…the.Spotted an error, a mis-mapped findspot, or have a suggestion? We read every note.