no image
DDbDP-text
Repayment of a Dowry via HGV-meta
Linked by Trismegistos ID
TM 20539.
Each record below describes this same artifact or text from a different angle.
[ctr]
ἀντίγραφον. Θέωνι ἀρχιδικαστῆι καὶ πρὸς τῇ ἐπιμελείᾳ τῶν χρηματιστῶν καὶ τῶν ἄλλων κριτηρίων
παρὰ Ἀμμωναρίου τῆς Ἀμμωνίου τοῦ Διονυσίου, ὡς ἐν Πτολεμαίδι τῆς Ἑρμίου χρηματίζει, ἀστῆς καὶ τῆς ταύτης
θυγατρὸς Ὠφελοῦτος τῆς Ἡρακλᾶτος τῶν ἀπʼ Ὀξυρύγχων πόλεως, μετὰ κυρίου τῶν δύο γυναικῶν τοῦ τῆς
Ἀμμωναρίου ὁμομητρίου ἀδελφοῦ Βησαρίωνος τοῦ Ἡρᾶτος, ὡς ἐν τῆι αὐτῇ Πτολεμαίδι χρηματίζει,
καὶ παρὰΓαίου Κλαυδίου Ἀντιφάνους τοῦ Ἀμμωνίου τῶν ἀπὸ τῆς αὐτῆς Ὀξυρύγχων πόλεως. συνχωροῦμεν
πρὸς ἀλλήλους ἐπὶ τοῖσδε, ὥστε εἶναι ἡ Ἀμμωνάριον καὶ ἡ Ὠφελοὺς εὐπιθεῖς γεγονυῖαι καὶ ἀπεσχηκυῖαι
παρὰ τοῦ Ἀντιφάνους διὰ χειρὸς ἐξ οἴκου ὃ καὶ ἐπείσθησαν κεφάλαιον, ἡ μὲν Ἀμμωνάριον ἀνθʼ ἧς προσηνέγκατο τῷ τοῦ μὲν Ἀντιφάνους πατρὸς ἀδελφοῦ δε τῆς Ὠφελοῦτος πατρὶ ἑαυτῆς δὲ γενομένωι
καὶ μετηλλαχότι ἀνδρὶ Ἡρακλᾶτι Ἀντιφάνους τῶν ἀπὸ τῆς αὐτῆς Ὀξυρύγχων πόλεως φερνῆς
τιμῆςἀργυρίου δραχμῶν ὀκτακοσίων κατὰ συνχώρησιν τὴν τελειωθεῖσαν διὰ τῆς ἐφημερίδος
ἐν τοῖς ἔμπροσθεν χρόνοις, ἡ δὲ Ὠφελοῦς καὶ αὐτὴ ἐξέσταται τῶι Ἀντιφάνει τοῦ κατʼ αὐτὴν μέρους
τῶν ὑπὸ τοῦ μετηλλαχότος αὐτῆς πατρὸς Ἡρακλᾶτος ἀπολελειμμένων πάντων, καὶ εἶναι ἄκυρον
τὴν δηλουμένην τοῦ γάμου συγχώρησιν καὶ μηδεμίαν τῆι Ἀμμωναρίωι καὶ τῆι Ὠφελοῦτι μηδʼ ἄλλωι
ὑπὲρ αὐτῶν καταλείπεσθαι ἔφοδον ἐπὶ τὸν Ἀντιφάνη μηδὲ ἐπὶ τὰ τοῦ Ἡρακλᾶτος ἀπολελειμμένα,
τῇ μὲν Ἀμμωναρίῳ μήτε περὶ τῆς διευλυτημένης φερνῆς, τῇ δὲ Ὠφελοῦτι μήτε περὶ τῶν
ἐξεσταμένων καθὼς πρόκειται,ἀμφοτέραις δὲ περὶ ἄλλου μηδενὸς ἁπλῶς ἐνγράπτου
ἢ ἀγράφου πράγματος τῶν ἐκ τῶν ἐπάνω χρόνων μέχρι τῆς ἐνεστώσης ἡμέρας, ἢ τὴν
ἐσομένην ἔφοδον ἄκυρον καὶ ἀπρόσδεκτον ὑπάρχειν. ἐν δὲ τοῖς προκειμένοις οὐκ ἔνεστι σωματισμός·
ἀξιοῦμεν ὡς καθήκει. ἔτους δ Νέρωνος Κλαυδίου Καίσαρος Σεβαστοῦ Γερμανικοῦ Αὐτοκράτορος, μηνὸς Νερωνείου
Σεβαστοῦ γ. ἀντίγραφον. Ἀπολλώνιος. κατακεχώρισται.
[ms]
μὴ ἐλαττουμένου τοῦ Ἀντιφάνους ἐν τῇ ἐπ[…]…[…]α[…]οὗ ἐπρίατο
παρʼ αὐτοῦ μέρους αἰθρίου ἀκολούθως τῇ εἰς αὐτὸν γεγονυίᾳ καταγραφῇ.Spotted an error, a mis-mapped findspot, or have a suggestion? We read every note.